Omushambane ayitsire muk’abandi ahabw’okumwanga!

823
0
SHARE

Damba Wiziri, Isingiro

Poriisi omu disiturikiti ya Isingiro, etandikire omuhiigo gw’okukwata omushambane, ari kugambwa kuba atematemagwire muk’omushaija ou atwire naakozesa omuby’omubonano bwanyima y’iba kuza omubuzaahe ahabw’amabanja

Akagwe aka kabaire ahakyaro Rwenshebashebe, ekiri kushangwa omugomborora ya Masha omudisiturikiti ya Isingiro, ahi omushambane omanyirwe nka Gashom Yakure, atematemire muk’omushaija, orikumanywa nka Doreen Natukunda kandi ou atwire nakozesa omuby’omubonano.

“Baamutema egyambiya 3, baamushara amaraka baamutema n’ahabuso kwonka omuntu ou baaba nibateekateekaho yaaba ari Makanika kandi n’ebijwaro bye byaba biriho, byareebwaho,” Emmanuel Mugabi, omutaka nikwo agambeire TV West.

Nikigambwa ngu amushangire omukiyungu, ahi bagireire obutaikirizana bwanyima y’okumugira ngu rukundo yaabo, beine kugireka ahabw’okuba iba, naaza kugaruka omumaka gye eki omushambane ataikiriziine na kyo, nikwo kumukwatira omuhoro akamwiha omugara g’ensi egi.

Kansara, Maridadi Iga, agizire ngu, “Amakuru agarikuruga omubataka nigagira ngu iba akaija yatungamu obuzibu bw’amabanja, yaaruga omuka yagyenda omukazi nikwo kwija akatungayo omurigirwa ondiijo. Beitu ngu enshumi nkye ehwaire iba akaija yareetaho akasente akaabeire nikamubanzibwa yaakaha “Chairperson”. Aho ningira omukazi akamanya ngu iba ku araamareyo akasente naagaruka omumaka gye. Omunteekateeka erikukirayo kuba ey’ahaiguru nituteekateeka ngu nikyo yaacweramu kumwita ngu bombiri bamufeerwe”.

We Nelson Nayebare kandi omutaka, naagira ngu Makanika abaire naazayo araarayo agaruka arugayo. Agarukayo araarayo, asiibayo… Mbwenu abaire yaamuhindwire nk’omukazi we.

Abataka hoona, nibajumiirira obwitsi obu, na mukuru w’ekyaro, obutamanya abantu abarikutuura omukyaro eki arikwebembera, kuhisya obu Makanika yaita omuhara.

Deus Baguma kandi nawe omutaka omukyanga eki agizire ngu, “Ogu omwana abaire atwiremu munonga, ‘Chairperson’ ninyesiga atwire yaamubuurize ahi arikuruga kandi nawe abaire naamumanya ku arikukwana omuhara. Itwe tubaire nitumumanya nk’omutaka ahabw’okuba abaire amazire emyaka erikurenga 5 omu.”

Abataka abandi, bahamya ngu Makanisa hoona yaba Atari kuhiika aha ky’okwiita muk’omushaijja, aha bw’okuba abaire nakimanya gye, n’obubaire batwiire nibakundana kandi abaire Atari we.

“Bakatunga mu obutaikirizana, baataana. Beitu we omwojo yaasigara akirikumwenda ngu bagarukane kwonka omwishiki yaaguma ayangire. Ekyarugiiriramu amakuru aga agu twahereerukayo kutunga ku yaitwa,” Moses Juuko nawe omutaka nikwo arikushoboorora.

Poriisi yashaba abataaka okugiira obuteeka n’obutatwarira ebiragiro omungaro obwo erikukora ogwayo ogw’okugumizamu erikurondereza entakimazire ekozire eki.

Obwahati yatandikire omuhiigo kubaasa kukwata makanika ogu, kandi okurugiirira aha bihandiiko ebishangirwe omunju ye, nibyoreka ngu nenzarwa ya Kyeizinga omugomborora ya Ruhaama omudisiturikiti ya Ntungamo.

LEAVE A REPLY