Batandikireho gavumenti 2 omuri Bushwere; buri omwe aine sitampu eye

296
0
SHARE

Halson Kagure

Ba kansara omu kanso ya Mbarara disiturikiti kakye bagwane omu maraka aha nshonga za Joram Nuwakuma owa NRM na Dan Nduhuukire otaine kibiina abatandikireho gavumenti ibiri omu muruka gwa Bushwere, Mwizi omuri Rwampara bwanyima y’okubura kwikirizana owasingire akaruuru ka Ceeyamaani w’entebe ya kabiri

Ba kansara baagira ngu n’obu kiraabe kiri ngu abakuru aha district ya Mbarara nibashagika Nduhuukire nk’omwebembezi ohikiriire, baine kumanya ngu Nuwakuma akarangirirwa akakiiko k’eby’oburuuru.

Enshonga z’okurwanira owasingire entebe ya kabiri ahabwa omuruka gwa Buswere Rwampara nikireebeka nizikiranda bwanyima ya bamwe ahabebembezi kuhagira Nuwakuma  owarangiriirwe Electoral Commission nka owasingire abandi bakaza aha rubaju rwa  Nduhuukire rurikuhagirwa abebembezi ba Mbarara kandi eki nikigambisa ba kansara eitaka n’omushenyi barikujumiirira abebembezi ba disiturikiti

Aba babaire bari omu kanso y’okushoma bagyeti ya disituriki ey’omwaka gwa 2018-2019. Omuhwezi wa sipiika ku aheereize John Bosco Bamuturaki akagisha kuheerezaho orubaju rwe nka Mukuru w’entebe ya kataano yarabura ba kansara ku ebi barikugamba batarikubimanya obwe agumize ngu we omuntu owu arikumanya kuba yasingire ni Nduhuukire niwe barikumanya ekyanyiza ba kansara abamwe

Omuhwezi wa RDC ahabwa Mbarara ajumiriire abebembezi obwo agumize ngu nibaza kuheereza oburinzi Joram owarangiriirwe kwonka omukubuuza Ceyamaani wa disiturikiti owarangiriire ku barikuza kukwata Joram ou barikugira ngu ayine sitampu y’ekicupuri, we naagira ngu taraikirize.

“Kanso egi terikubaasa kugarura enyima eki akakiiko eki abarikukurira eby’oburuuru baarangiriire. Nitubaasa kuha amagyezi abo abarikwetomboitwa kuza omu kooti nk’oku akakiiko k’eby’oburuuru karikugamba,” Emmy Turyabagyenyi Kateera nikwo agambeire ba Kansara ababaire bari ahakwanjura bagyeti  erikwingana biriyooni 23 n’obucweka 6 hamwe na biriyooni 17 n’obucweka 6 eza disiturikiti ya Rwampara.

LEAVE A REPLY