Otwire nayiba abantu arikweyeta omukozi wa State House akwatsirwe

207
0
SHARE

Philip Murangira

Pooriisi omuri Kyegegwa eine omu ngaro zaayo omushaija w’emyaka 35 omanyirwe nka Abraham Ssekitende ou baingi barikumanya nka Hope kandi ori mutabani wa Wilson Byaboona Ceyamaani wa NRM ahabwa Kyegegwa disiturikiti ahabw’okwiba abantu obwo arikweyeta omukozi wa State house.

Okurugiirira aha bantu abi tushangire aha poriisi ya Kyegegwa kuruga Mubende na Kyegegwa ababaire barimu Ceyamaani LC3 w’egomborora ya Kasuule, nibagira ngu Hope ayibire abantu baingi .

“Nyeteereire enduuru owa Ceyamaani LC 1, LC 3 owa MP na GISO owatutwaire tukahika owa RDC,” Francis Sunday

We Jamilu Sebuliba, omutaka naagira ngu, Ceyamaani LC 3 akamweta yamubuuza omurimo ogu arikukora omu gavumenti reeru nikwo bakwatanise bakore hamwe, we yaagira ngu ofiisi ezaabo n’ez’ahansi tarikubaasa kukora nabo ziri ahansi.

Hope aizire kukwatwa bwanyima y’abantu baingi kuguma nibetomboita ngu naabaiba oteireho n’okubatiinisiriza ku ayine pisito kandi ngu naakora omu State House.

Hassan Kato ori ishento wa Hope atutebize oku Hope yamukomeise bwanyima y’okumushaba sente akazimwima.

“Bakankwata bantwara omukihome Mubende kandi eki yaakozire akataho buryo bw’okugambira abaabaire baizire kumpwera ku bagarukayo ahabw’okuba enshonga zangye zigumire kandi tibarikuzibaasa,” Hassan Kato, Ishento Hope, nikwo arikugira.

Swaibu Barekye ceyamani LC3 Kasule nagira ngu abantu be tibakibyama ahabwa Hope kubatinisiriza n’okubataho emishango eyibataramanya.

Tugyerizeho kugambaho na Abraham Sekitende Hope okiri omukihome obwahati owu barikujunaana kandi ogu agizire ngu  RDC, DISO na ba DPC oteireho n’aba poriisi boona bari ahansi ye.

Hope nayongyera agira ngu abarikumurwanisa babiteiremu eby’obwebembezi ngu ahabw’okuba ni mutabani wa Wilson Byaboona ori ceyamaani wa NRM.

LEAVE A REPLY