Goonya zerarikiriize abashohi ahamwaro, Katwe

215
0
SHARE

Gilbert Muhanguzi

Abashohi aba n’obu barikubaisibwaho ebyeyanja omu maka gaabo obwa hati nibagira ngu embeera eziri omumaka gaabo nizeerarikiriza munonga ahabw’okuba tibaakiza munyanja ahabwa za goonya ezitegire amaino. Robert Kashaija ori Ceyamaani w’omwaaro gwa Katwe nagira ngu abantu 4 baAmazire kuba nibaitwa goonya ezi.

Tugambireho Ali Abdul kandi naagira ngu akaba agiire ahanyanja kunaaba etyo goonya ekaguruka omumaizi ekamukwata engaro.

Kashaija nagira ngu nagwa oihireho okuriibwa za goonya entaasya yaabo ebaire yayeyogyera ahabw’okugira ngu nibakwata eby’enyanja ebikuzire.

Beitu nayongyera ayetomboitira ekitongore ky’eby’obuhingi, amatungo n’obujubi obutagira eiteeka eririkujunaana ahari abo boona abarikuhenda ebiragiro by’ahanyanja.

Abashohi aba nibeerarikirira  barikugira ngu nibabaasa kwija n’okuremwa okushashura ebishare by’amashomero ahabw’embeera ei barimu.

LEAVE A REPLY