Abashomesa nibaakituntuza abaana omu mashomero.

185
0
SHARE

Halson Kagure

Omwaka gwa 1997 Uganda kurabira omukitongore ky’eby’obwegyese bakarangirira okwihaho okuteera abaana omu mashomero kwonka za rupoota nizooreka ngu abeegi aha ndengo zoona nibakituntuzibwa omu kihama kandi kishangirwe ngu nizimwe aha nshonga ahabw’enki abaana nibatoroka omu mashomero.

Omumateeka ga Uganda wataayayira ekitabo ky’ebiragiro bya Uganda ekya 1995 akanyerere ka 59 hamwe na Penal Code Act ya 120 nigaheereza obuganzi omuntu weena obariiremu na abaana obutaheebwa ebiheneso nk’okuteerwa ekirengire, okukozesibwa nk’endogoya n’ebindi.

Omwaka gwa 1997 ekitongore ky’eby’obwegyese kikashohoza ekihandiiko ky’okubinga okuteerwa hamwe n’okuheereza ebiheneso birengire abeegi,  kwonka tihaine ekyahindukireho bwanyima ya rupoota kukorwa ekitongore kya African Network for the Prevention and Protection Against Child Abuse and Neglect  2011. Aba bakashanga ngu obucweka  81% bw’abeegi nibaheebwa ebiheneso bibarengire.

Eki kikagyemesereza abany’Ishengyero ba Uganda kutaho eiteeka ry’okubingira kimwe okuhana abaana ekirengire omumashomero goona kwonka bwanyima y’emyaka 2 nikireebeka ebi bikiri omubihandiiko kwonka ahabw’okuba  ab’eby’obwegyese nibaikiriza ngu abeegi nibakibonabonesibwa omukihama

Omubaro gw’abaana abarikuruga omumashomero gukiri ahaiguru y’obucweka 60 ahari 100 kandi abakugu omuby’obwegyese nibagira ngu embeera mbi erimu okubabonabonesa.

Haine abakiine enyikiriza ngu akati kainikwa kakiri kabisi ngu n’ahabw’ekyo omwana waaba otamuteire nabaasa obutarugamu .

Enyimaho hakashohora obutambi aha mikutu ya intaneeti burikworeka abashomesa b’eitendekyero rya Ishaka Adventist School eririkushomesa abashaho  barikuteera abeegi embooko ezi Mbaguta yateire muha ekihindukire  ekigaaniiro omumikutu y’amakuru hamwe n’omu bantu.

LEAVE A REPLY