Baakansara Fort Portal nibenda akakiiko ka Lt. Col. Edith Nakalema kataahe omu nshonga zaabo

301
0
SHARE

Jonan Tusingwire

Ba kansara ba munisiparite ya Fort Portal betereire enduuru omu kakiiko ka State House aka Anti-Corruption Unit akarikukurirwa Lt. Col.Edith Nakalema ngu kataahe omunshonga za Munisiparite yaabo ngu ahabw’okuba oburi bw’enguzi buhindukire ekindi.

Kaahwa Erineemu hamwe na Musinguzi David boorekire kurungi ngu omukukora za purogyekiti zimwe haabairemu oburi bw’enguzi na munonga aha runguuto rwa Kiboga hamwe n’omukugura amataara agu baateire ahagati y’etauni.

Aba hati bamazire kuhandiikira akakiiko ka State House Anti Corruption Committee akarikwebemberwa Lt Col.Edith Nakalema  kureeba ngu kataaha omushonga ezi.

Amataara g’aha runguuto nayo n’emwe ahanshonga ahabw’enki kansara ogu acweiremu kwirukangira omukakiiko aka.

Municipality ya Fort Portal n’emwe ahari za Munisiparite ezaganyirwe omunkora ya USMID Project na sente za banka y’ensi yoona.

Rev. Kintu Willy Muhanga Ateenyi, Meeya wa Fort Portal ayetsire ba kansara aba abazigu b’orurembo agumize ngu Fort portal tiyo Munisiparite yonka eyatungire obuhwezi bwa banka y’ensi yoona.

Ogu hoona naahakana eby’okugira ngu omuhendo gwa sente ezaguzire ebitaara ebi bakagutembesa munonga kwenda ngu bakaashazyaho sente ezaabo .

Kandi nayongyera agira ngu eky’okweta Nakalema tibakitiinire.

LEAVE A REPLY