Mbarara boorekire obutamarwa aharurembo orikwenda City

405
0
SHARE

Stuart Twinomujuni

Bamwe omubataka n’abeebembezi omu Munisiparite ya Mbarara boorekire obutamarwa n’omuringo ogu emirimo egyendereire kutunguura orurembo Mbarara eriyo nekorwamu.

Reeba emboozi aha:

https://youtu.be/zZXibROsX2E

Aba nibagira ngu meeya Robert Kakyebezi ku yagiire omu ntebe yaagwejegyera kandi eby’obuheereza byacumbagira

Omu rukiiko rw’ekigombe eki batongoize nka Mbarara District Leaders Forum, abeebembezi hamwe n’abataka bagizire ngu bariyo nibatamburira aha kirooto kya Mbarara kuhinduka kuba City, baitu ngu oku Meeya Kakyebezi arikukora emirimo ye, kubaasa obutaija kuhikiiriza ekirooto eki.

Aba nibagira ngu Meeya aremirwe kutebeekanisa ekizibu kya Kasasiro kandi ngu n’enkuuto ezirikutaaha omu Munisiparite n’omu tauni henyini ahagati tizirikuhaisa Mbarara eiziina, ekireetiire bamujweka orubanja ngu nawe atandikre kushomankura.

Baitu  Kakyebezi nawe tagiriire bigambo byorobi aba boona abarikugira ngu aremirwe Mbarara taine ki abakoreire ngu n’abo abatarikumwendeza.

Ogu yabaheereza n’amagyezi kuza omuhofiisi zoona ezirikucondooza ahabushomankuzi kandi ngu kubarashangye aine enushu ya gavumenti ei araburabwize babone kumutunga akakumu.

Hariho akatagatsi k’eby’obutegyeki obwire obu akariyo nikanyurira  abantu kuranzya ahamwaka  gwa 2021, Kandi Meeya Kakyebezi nagira ngu egi ebaasa kuba enshonga ahabw’enki nibamuhembaho omuriro.

LEAVE A REPLY