Owabuziibweho yashangwa aziikirwe omuri Kabereebere

270
0
SHARE

Elias Rutugusa

Omusigazi ogu Peter Oscar Muhairwe enzaarwa ya Karindiro Kagongo, Ibanda disiturikiti akabuzibwaho aharwokubanza orwesande ehwire arikwetebekanisiza kuz’ahishomero obwe barikushaba abazaire be million 7 okumurekura beitu ah’abazaire be bagire kubonera esente nikwe kushanga omusigazi ogu entakimazire zaamwitsire.

Nyina w’omwana ogu yatushoboorora oku omwana we y’abuziibwe akahika ahakwitwa.

Reeba emboozi aha

https://youtu.be/EjW5xzEMFVQ

Ogu yayongyera yatushobora oku bamwihireho sente emitwaro 200,000= kandi obwe baherize kumwita.

Bamwe omubataka abutwagambaho nabo, ne ekiniga kingi, bagira ngu kyaba nikyenda Poorisi ebahe okozire ekikorwa eki nawe bamwite.

Omugambirizi wa pooriisi ahabw’ekyanga ekya Rwizi nagira ngu baamazire kukwata abantu 4 abarikuteekateekwaho kuba babaire bari enyima y’ekikorwa eki. Aba barimu Ronald Twijukye owa Omuruti, Justus Kakuru ow’omuri katete, Katungi Douglas hamwe na Amutusaasire ou esimu ei babaire nibakozesa  eri omumaziina gye kandi bashangirwe beine ebishani by’abaishiki n’omwaana hamwe n’enjayi.

Omusigazi ogu oyitsirwe abaire nashoma siniya ya kabiri ah’ishomero rya Kagera Secondary School omuri Ibanda.

Omutumbi gwe police yagutwara ahakabafu omwirwariro rikuru erya Mbarara kukyeberwa.

LEAVE A REPLY