Okukuza eky’endwara y’ekookoro. Ebyoma n’emibazi kikiri ekizibu

708
0
SHARE

Halson Kagure

Omushaija, Sulaiman Natukunda, omutaka wa Rubaya Kashari omu District ya Mbarara nagambwa kuba yakwatsirwe omumwaka gwa 2003 kandi akaba ari omwe ahabaabeire nibarwanisa abahekyera ba Kony omumatemba ga Uganda

Ogu amahe ga UPDF gakaija gaamuhereza obujanjabi kwonka akaija yagumizamu arikuteganisibwa ah’isasi ryateire ekyarugiriiremu okuguru kuguma nikuzimba kurikuzamu amaizi n’amahira, nikwo kuza Mulago bakamukwatamu kansa.

Ogu atugambire ebi abashaho bamugambire ahaburugo bw’ekookoro.

Okurugiirira ahabihandiiko bya Uganda Cancer Insititute, abantu barikuhika 500,000 nibatuura n’oburwaire bwa ekookoro batarikukimanya. Omwaka oguhweire bakataasya abantu barikurenga 32,000 kandi abashaho ah’irwariro rya Mbarara Regional Referral nabo baabaganaho naitwe ahamubaro gwa abarwaire b’ekookoro.

Reeba emboozi aha:

https://youtu.be/Vmde71aUeSE

Ekitongore kya Center for Disease Control and Prevention nikigira ngu zimwe ahanshonga eziteire oburwaire bwa ekookoro bwaguma nibweyogyera n’ahabw’emituurire mibi.

Nibongyera bagira ngu kumanya ngu oyine oburwaire bwekokoro nibukira kwizira omumiringo eshatu nk’ebizimba, okunyara hamwe n’okujwa eshagama kandi omubantu abakuru nerebeka nk’ekironda.

Kyahika akurwanisa oburwaire obu ekitongore ky’eby’amagara kikiine ekyetengo ky’amaani eky’okushagika amarwariro ga Referral kukyebera hamwe n’okujanjaba oteireho n’emibazi ei barikugira ngu ebeeyi eri ahaiguru.

Eriizooba, Uganda yayegaita ahansi yoona kujaguza ekiro ky’ekookoro ekyaba kiri ahamuramwa gw’okureba ngu buri muntu yayejumbira omuhururu egi  oteireho  nokuha gavumenti obujunaanizibwa kutwara omumaisho, omuranga gw’okurwanisa ekokoro.

Ebyo bikiri bityo Sulaiman Natukunda nayenda obuhwezi bwa shiringi 6,000,000 kuragurizibwa. Muhikiirire aha namba ya 0782 378 866

LEAVE A REPLY