Gavumenti kuha abanya Uganda ente z’enyankore

383
0
SHARE

Bwanyima y’abariisa abehinguririze faamu za gavumenti omu ihanga kuguma nibariisiza omu mataka ga gavumenti kifuba, Minista Joy Kabasi arugireyo yaataho ekiragiro ky’okuta enamba za aha nte zoona ezi baraagume baakwatira omu faamu ezi.

Minista w’eby’amatungo, Joy Kabasi agambire ebi obu abire naarambuza abahangu abaracooke ente z’enyankore omu farm ya NSHAARA ahi bashangire ente 150 zikwatsirwe ahabw’okuriisiza omu farm ezi.

Minisita Joy Kabasi ayorekire obuhinza mutima ahabw’abantu abarikuriisiza omu faamu za gavumenti bakahendera baturiize engoha hamwe n’okwibiramu ente z’eihanga baaba nibataatsya.

Minisita agambire ebi obu abaire narambuza abantu abi government ehaire omurimo gw’okucooka ente ezi baraheereze abanya Uganda nikwo okushanga ekizibu ky’abantu abarikuriisiza omu faamu bakanyire n’ente zaabo zikwatsirwe.

Kabasi agizire ngu gavumenti eriyo neeta omunkora ekiteekateeko kya mukuru w’eihanga okuheereza abanya Uganda ente z’enyankore bwanyima y’okushanga ngu nizigumira endwara hamwe n’okurugwamu enyama n’amate marungi.

Orikukurira ekitongore kya National Animal Genetic Center and databank (NAGRIC&DB) naagira ngu obwahati beine ente ezirikwingana omutwaro gumwe ezi barikubaasa kuheereza abanya Uganda eki ashabire abakugu abu government eteireho okucooka ente nungi okukora omurimo ogu omubwire bukye.

LEAVE A REPLY