‘Orwizi hati rwijwire. Mwegyendesereze’ – Abebembezi baarabura

408
0
SHARE

Abataka ba Nyakaizi omuri Mbarara bariyo nibaronda omutumbi gw’omutsigazi owamanywa ka Aggrey Byamukama enzaarwa ya Nyakabungo omuri Rukungiri ogwaire omu mugyera gwa Rwizi obu abaire agiireyo kunaaba nyomwebazyo.

Nikigambwa ngu abaire naashomera omuri Kyazanga Institute ahi abaire naayegyera okubaija baitu abaire aizire omuri Mbarara kukora ogu gutandikire eizooba erya nyomwabazo kandi aba nibagira ngu na hati omubiri ogwa mutaahi wabo tibakagureebire.

Bamwe aha bataka ba Nyakaizi Kakoba Mbarara nibagira ngu omusigazi ogwaire omu rwizi oru omu kicweka kya Kakoba  abaire ari musya omu kicweka kandi ogu abaire nashoma aha kuba omuri Mbarara abaire aiizire kukora internship.

Omu kasheshe aka eriizooba pooriisi ya Mbarara nayo yabaasa kuhika omu mwanya ogu kwonka nabo tihariho kihango eki bakora aha kuba omutumbi nibateekateeka ngu gukiri ahansi y’amaizi kandi okuza ahaiguru nikibasa kutwara ebiro nka bishatu nari okukiraho.

Okutwariza hamwe omu mwanya ogu, ogu tiwe muntu w’okubanza kugwa omu kicweka eki kandi ab’eby’okwerinda baashaba abantu okwegyedesereza amaizi aha kuba hati orwizi rwijwire

LEAVE A REPLY