Uganda neekikora kubi omuby’okucondooza n’okujumbura

103
0
SHARE

Halson Kagure

Gavumenti ya Uganda n’ekikora kubi munonga omuby’okucondooza waagyera-gyeranisa na ihanga rya Kenya, Dr Maxwell Onapa omuhwezi w’omuhandiiki omukuru owa Uganda National Council for Science nagira ngu n’eky’okushwazana kushanga ngu Uganda eri omu mwanya gwa 103 kandi Kenya eri omu mwanya gwa 78 omunsi yoona.

Abeebembezi ba za University nibenda Gavumenti kubabangira baaba nibenda ngu batware omwoga gw’okujumbura aharurengo rw’ahaiguru.

Emirundi mingi gavumenti ya Uganda kurabira omubitongore ebirikujunaanizibwa ebya Sayansi na Tekinologiya, eby’empurizana n’ebindi batwire nibeshongora nk’okubeteekateekire kuhindura ihanga okurabira omubya tekinologiya

Ahamukoro gw’okuheerezayo ebirugire omukucondooza ogutebeekanisiibwe Mbarara University, Dr Maxwell Atim Deputy Executive Secretary wa Uganda National Council for Science and Technology agizire ngu nikimutangaaza kushanga ngu Uganda eri omumwaya gwa 103 kandi yo Kenya eri omumwanya gwa 78 omunsi yoona.

Dr. Maxwell agizire ngu n’ekyamazima waza omuri Yunivasite nyingi omu ihanga nibejumbira omu kujumbura ningashi innovation kwonka haine bingi ebikirikuburamu ekirikureetera twashemba.

Ogu agizire ngu amahanga agatunguukire nigetwara omukujumbura koonka omu Uganda bingyi nibirukangira omu kukora sente kandi obwe purojekiti zabo zitakahikire hare.

Koonka aharubaju orundi Vice Chancellor wa Mbarara University nagira ngu ekitongore ky’eby’obwegyese tikibaasize kubashagika ngu kandi kikabaire kirungi ekitongore ky’ebya sayansi na tekinologiya kyatwara omwoga ogu.

Minisita wa sayansi tekinologiya hamwe n’eby’okujumbura nayikiriza ngu abanya Uganda abarikwejumbira omu kujumbura bakiine ekizibu ky’okuhandiikisa purojekiti zaabo ngu ahabw’okuba wagyera-gyeranisa na Kenya enshumi nkye ehingwire bakahandiikiza 163 kandi Uganda yahandikisa patents 2 zonka.

LEAVE A REPLY