Annita Atukunda
Gavumenti ebaasa kwija kutamu sente nyingi omu kuhunduza enkuuto z’omu rurembo rwa Mbarara ahabw’okutimburwa amaizi.
Eki kiretsirweho emihanda y’amaizi okwigazibwa kasasiro, ebinyaatsi hamwe n’ebyondo ekiretsire gaterama omu rubaju rw’enkuuto kandi gakazitimbuura.
Enkuuto eziteganisibwe amaizi n’okwigara kwemifuregye harimu orwa Kateete ,mbra Masaka n’ezindi nyingi.
Bamwe nibagira ngu enkuuto ezi nibashaba gavumenti kwebayamba ekabateramu za pipe zikutwara amaizi ahabwokuba amaizi nigaterama babura oburabo .
Oihireho amaizi bamwe nibagira ngu kasasiro nayo ebabereire ekizibu kandi eyigaize emifuregye amaizi nigabura ahokuraba ekirikureta gaterama omu nkuuto.
Abakuvuga aha nkuuto ezi nibagira ngu emirimo yaabo neteganisibwa munonga omu bwire bw’ekiro ahabwomuringo oguzirimu.
Moses Kajubi ori chairman owa Nyamitanga atugizire ngu ekizibu kyenkuuto kiretsirwe okubura graders kandi batandikireho emurimo y’okwigura emifuregye ,ekyakasasiro atugizire ngu babire batine tendara.
