Owashukirwe asidi yayongyerwayo Mulago

212
0
SHARE

Stuart Twinomujuni

Constance Kyompaire omutaka wa Cell ya Nyakaguruka omuri Rugando, Rwampara owashukirwe asidi n’abaana be 2 esabiiti ehwaire, eriizooba yayoherezibwa omu irwariro erikuru erya Mulago omuri Kampala kwongyera kuragurirwa.

Ogu abaire yahitsya ebiro 5 ah’irwariro erya Mbarara Regional Referral Hospital kandi okutaanaho n’okuyabaire ari esabiiti ehwaire, ebironda bibaire byatandika kwomooka.

Erizooba abashaho basharamu kumwongyerayo omwirwariro rya Mulago kandi twatunga aha baruha ezirikuhamya ku arikuza kuronda obujanjabi oburikukira aharyobu abaire natunga.

Omwaana n’obu araabe yaaba nareebeka nk’oriyo naakira, beitu nawe yatwarwa Mulago.

Ebyo bikiri aho, omushaija w’emyaka 30 nawe ariyo nataaga omu irwariro eri bwanyima y’okumwokyeza omunju ahabw’entaro z’amataka omuri Kiruhura.

Perezi Nuwahereza n’omutaka wa Rwenkombero, omu muruka gwa Kanyanga Disturikiti ya Kiruhura kandi ogu nagambwa kuba yayokiibwe nyinento arikumubinga omukibanja.

Ab’eka ye nabo batorokireyo bahunga bwanyima y’okubatiinisiriza ngu baabagwaho nibakaraaza, kandi obwahati nibatuura n’omurwaire ogu ah’irwariro.

Aba batworeka ebihandiiko bya Pooriisi aha mushango ogu kandi twagamba na DPC wa Kiruhura Patrick Omara owatugira ngu bariyo nibacondooza enshonga ezi.

LEAVE A REPLY