Kakyeka yaahamibwa kugaruka kuzaanirwamu

193
0
SHARE

Edwin Ram

Tiimu za Ankole ezirikuzaana omu mpaka za riigi y’eihanga eza Uganda Premier League ezirimu Mbarara City FC na Nyamityobora FC n’ez’okugarukamu kukoresa ekishaayi kya Kakyeka omu butongore bwanyima y’akakiiko ka FUFA akarikushwijuma ebishaayi kukiikiriza.

FUFA ekashazamu ekishaayi eki ahakutandika kwa sizooni egi obutagarukamu kukoresibwa ahabw’omutindo mubi kuhisya obu kihunduuziibwe.

FUFA eyikiriize Kakyeka kutandika kuzaanirwamu omu butongore emizaano y’empaka za riigi y’eihanga bwanyima y’okuhunduuzibwa kutaho akatimba akarikwetooroora ekishayi eki barikuzaaniramu, emifuregye, okuboneza omwanya ogu abazaani barikuhumuriramu  hamwe n’okubyara ebinyansi kwetoorora ahagati y’ekishayi ahi barikuzaanira .

Ekishayi eki okuhika aha mutondo ogu kiriho kikahunduuzibwa abahagizi b’omupiira omuri Mbarara bwanyima ya tiimu ya Mbarara City na Nyamityobora kwemerezibwa kuzaanira omu kishayi eki zikaza Kavumba na Wankulukuku omuri Kampala.

Beitu n’obu biraabe biri bityo bwanyima ya FUFA kwikiriza ekishayi eki kutandika kuzaanirwamu emizaano ya riigi ,abu Disiturikiti yakikwasize aba Mbarara City FC bazibiire Nyamityobora FC okukizaaniramu omuzaano gwayo na Jinja Kirinya SS FC ekigyemesereize Nyamityobora FC kuguma Wankulukuku ahubarazaanire nyenkyakare.

Emizaano endiijo erazaanwe  nyenkyakare omu mpaka za riigi y’eihanga, tiimu ya Kampala City Council Authority bari ahabugyenyi kutaayayira tiimu ya SC Villa aha kishayi Namboole .

KCCA FC eri omu kya kashatu aha kimeza n’obubonero 12 enyima ya Vipers na Bul FC kandi omuguhereerukire bagwire makazi na Vipers emwe ahandijo ahari Kitende. Bright stars netaayayisa Ndejje University.

LEAVE A REPLY