Sahle-Work Zewde ni Purezidenti w’okubanza omukazi wa Ethiopia

959
0
SHARE

Abajwekyerwa omu ishengyero batooraine omukyara Sahle-Work Zewde nka Purezidenti w’okubanza ow’omukazi ahabw’ihanga rya Ethiopia.

Omuky. Sahle-Work n’omushugaanisa omukugu ow’eby’obutegyeki kandi omurimo ogu agumaziremu obwire buraingwa obaire naakora n’ekitongore ky’amahanga ageeteraine.

Okutooranwa kwe ahantebe egi nikwijaho bwanyima y’enganzi y’ihanga Abiy Ahmed ateireho kabineeti ei ekicweka ky’emirimo yaayo kitwairwe abakazi.

Obwo arikwikiriza omurimo gwe, Purezidenti Sahle-Work agambire ahamugasho gw’okurinda obusingye, ebitongore by’amakuru omu ihanga nikwo birikugamba.

Akateererwa akaruuru omuntebe egi bwanyima y’ou agiire omubigyere, Mulatu Teshome, kurekura omurimo ekitaraaririine.

Purezidenti Sahle-Work aheereize nk’omujwekyerwa w’eihanga rya Ethiopia omuri Senegal na Djibouti. Kandi akozire emirimo etari emwe n’emwe  omukitongore ky’amahanga ageeteeraine, oteireho n’okwebembera eby’okureetaho obusingye omu ihanga erya Central African republic.

Atakabeire Purezidenti, Sahle-Work abaire ari omujwekyerwa w’ekitongore ky’amahanga ga Africa ageeteeraine omukitongore eky’amahanga ageeteeraine ekya United Nations

Omungyenderwaho y’ihanga rya Ethiopia, entebe ya mukuru w’ihanga neeba eri ey’omugyenzo kandi enganzi y’ihanga niwe ariokuba naakizayo amaani omuby’obutegyeki.

LEAVE A REPLY