Ekigaaniiro kya Shwenkazi kitongozibwe

184
0
SHARE

Christopher Ahimbisibwe

Nk’omuringo gumwe gw’okuhwera ab’amaka kutunguuka hamwe n’okugaruka busya, orupapura rw’Orumuri rushazireho kugiraho ekigaaniiro ekya Shwenkazi ahu abahangu baraabe nibashomesa ebintu bitari bimwe na bimwe ebikwatiraine n’amaka.

Ekigaaniiro eki ekirikuza kubaho ebiro 6.10.2018 aha Adit Mall ahashungaine na Bank Of Uganda kutandikana na shaaha 3 z’akasheshe kuhisya shaaha 12 z’omwebazyo  nikiza kuba kyegamire ahamutwe; “ Enshonga z’ekitanda omu bakundaine”.

Nikiza kuba kirimu abagambi n’abashomesa abahangu nka Jancy Kahard kuruga Mbarara, Dr. Justus Ampaire ow’irwariro erya  St, Augustine, Hillary Bainemigisha ou baingi barikumanya nka Dr Love, ori edita w’orupapura rw’amakuru orwa Saturday Vision, Ssenga Hamida Namatovu kuruga Kampala hamwe n’abandi.

 Barikutongozaho ekiganiiro kya shwenkazi aha ofiisi z’Orumuri omuri Mbarara aharwakatano ebiro 06.09.2018, orikwebembera eby’obushuubuzi by’eky’okuywa ekya Kituzi Health Drink ekirikukorerwa omuri Kakoba Mbarara, omwami Lawrence Rukaija agizire ngu bo nk’aba Kituzi Health Drink bashaziremu kuhagira ab’Orumuri omu kigaaniiro ekirikuza kubaho.

Ariho Moses ori manegya wa Kituzi Health Drink naagira ngu eki nk’aba Kituzi bakikozire ahabw’okushanga ngu eky’okuywa kya Kituzi  n’ekyokunywa ekibaasize kutambira amaka g’abantu baingi na munonga abo abataine maani omunshonga z’ekitanda. Omushonga egyo nibaija kureba ngu baheereza bantu 100 abarabanze kwija kushomesibwa obwe barikubahereza doozi y’obucupa bushatu bwa Kituzi kwenda kushemeza amaka gaabo.

Biira Ayesigye orikwegyesa eby’amaka omu kitongore ekirikukora ekyokuywa kya Kituzi naagira ngu nibaza kukoresa eizooba eryo kureeba ngu bayegyesa abashaija n’abakyara baabo oku bashemereire kuboneza amaka gaabo.

Robert Kyeswa ori owa aba Kitonsah Herbal Group ekitongore ekishagikire ekigaaniiro kya Shwenkazi ekirikukora amajuta, hamwe n’ekyokuywa nka Organic Tea, Vigor Men’s Plus Vigor II hamwe n’ebindi ebirikuhwera abashaija abataine maani kugira amaani omushonga z’ekitanda. Naagira ngu bashaziremu kukwatanisa n’Orumuri kwenda kushomesa abashweraine n’ekigyendererwa ky’okureEba ngu baarinda amaka gaabo hamwe nokubahisya obuhereza haihi bw’emibazi yaabo.

Edita w’Orumuri, Ruhangariyo Deus kandi orayebembere ekigaaniiro ekyo, agizire ngu Orumuri rutwaire rwine peegi eya Shwenkazi etwaire neyegyesa abashweraine, kandi ahabw’okushanga ngu babaire batarikubaasa kwongyeramu empapura ezindi z’okwegyesa mbwenu bashaziremu kutaho omushomo gwa Shwenkazi kwongyera kwegyesa abantu obwe barikubareetera abahangu omu bya rukundo.

Abantu abaine emyaka 18 kugaruka ahiguru nibo baraabe nibaikirizibwa kwetaba omukushomesibwa kandi buri omwe naaza kuba nashashura shiringi 10,000 kutaahamu.

Bimwe aha bintu ebi baraabe nibashomesa harimu; oku omushaija ninga omukazi ashemerire kwetwaza yaaba ari omukishengye kye, obukodyo oburikureetera akazaano kabonera, obwecumi omukishengye, hamwe n’ebindi bingi.

LEAVE A REPLY