Burengyerwa-izooba bahairwe piki kurinda eby’obuhangwa

341
0
SHARE

CHRISTOPHER AHIMBISIBWE

Abebembezi abarikukurira eby’obuhangwa kuruga omu disiturikiti eza burengyerwa-izooba bashabirwe ku bakoresa gye ebintu ebi gavumenti erikuba ebaheereize nk’omuringo gumwe gw’okurahusya hamwe n’okuhisya abantu ba buraijo obuheereza.

 

Ebi bigambirwe Paul Mafabi ori dayirekita w’ekitongore ekirikurinda eby’obuhangwa n’emyanya erimu amaizi obu abaire naheereza abebembezi piki piki  abarikwebembera emirimo y’okurinda eby’obuhangwa omu disiturikiti ezirimu Sheema, Buhweju, Rukungiri, Ntungamo, Kabale, Rubirizi hamwe na Bushenyi aha kitebe kyabo Mbarara.

 

Mafabi agizire ngu puroguramu egi ey’okugarura busya ebisharara n’emyanya erimu amaizi etandikire 2017 kandi neija kumara emyaka 8 n’ekigyendererwa ky’okureeba ngu bagarura emyanya y’ebisharara erikwingana obuhango bwa hiika 76,000 omu disiturikiti 22 ezitorainwe. Nayoreka ngu obwa hati babaasize kugarura hiika zirikwingana 13,000 z’ebisharara ebi abantu babaire bataahirire kandi hiika zirikwingana 64,000 nizo zisigaire kwihwa omu mikono y’abantu.

 

Purojekiti egi erikuhwerwaho aba Green Climate Fund obwe barikuhwerwaho United Nations Development Programme nibaza kureebeka ngu bareeta n’ebyoma ebirabe nibikyebera obwingi bw’amaizi agari omwitaka, embera y’obwire oku eraabe negyenda n’ehinduka.

 

Paulo Mafabi ashabire abakwasibwe piki piki kuzikoresa omukurambura emyanya y’ebisharara ei abantu baakubasa kuba bataahirire, hamwe n’okushomesa abantu akarungi akari omukurinda emyanya y’ebisharara.

LEAVE A REPLY