Bobi Wine na Wadri batwarwa omumwanya ogutakamanyirwe

462
0
SHARE

Omushaki waitu

Abantu bashatu omuri Arua oteiremu n’omuvugi w’omuny’ishengyero Bobi Wine bateerwa  amasasi kandi n’omunyamakuru yateerwa aba Poorisi n’amahe. Omuvugi wa Bobi Wine, Yasin Kawooya 26, yateerwa amasasi omumotoka y’ekika kya Tundra agaamwitiraho haihi na Pacific Hotel aharwa Adumi.

Akajagararo akaakaareeta ebi byona katandika obu abahagizi kuruga omukibiina ekya NRM baahondana n’abahagizi b’omwe omubeetsimbire, Kassiano Wadri.

Obwa hati abantu 3 abaine obuhuta bw’amasasi batwarwa omu irwariro rya Arua kandi ahi Yasin yaitirwa, poorisi yaahazingirira.

Wadri na Bobi Wine orikumanywa nka Robert Kyagulanyi bakwatwa Poorisi kandi batwarwa omumwanya ogutakamanyirwe.

Hoona n’obu abaire ari aharubaju rw’owayetsimbire ataine kibiina, we owaabaireho omuduumizi mukuru w’amahe g’ihanga kandi akeebemberaho n’ekibiina ky’orubaju oruhakani ekya FDC, Gen. Mugisha Muntu, yajumiirira ab’eby’okwerinda ahabw’ekikorwa eki ahari gumwe ahamikutu ye eya intaneeti ogwa Facebook arikugira ngu ab’eby’okwerinda tibashemereire kuzibira omunya Uganda weena kwejumbira omuby’obutegyeki n’okushagika omuntu ou arikwenda.

 

 

 

LEAVE A REPLY