Ashangirwe aziikirwe omunju, Isingiro

1477
0
SHARE

Damba Wiziri

Abataka ba Kagando omu gomborora ya Masha omu disiturikiti ya Isingiro bagwereirwe akagwe bwanyima y’okushanga omutaka waabo otwaire abuzire aziikirwe omu nju.

Amakuru agatungirwe nigoreka ngu omutsigazi akaita ishe ahabw’ekibanja na bwanyima yaamuziika omu nju ei abaire naaraaramu.

Oku nikwo abataka na pooriisi bazikwire amagufa g’omugurutsi Januario Karenzi otwire abuzire kandi omutabani Mark Tumusiime obwahati owaahikire enyima y’emitehimbwa nagamba kuba niwe yamwitsire akamuziika omunju bwanyima y’okwanga kuguza ekibanja akamugurira boda boda.

“Abaire amazire emyaka 2 amuziikire kwonka b’ishenkazi ku baizire baabuuririza, baamutwara ahapoorisi. Nikwo kugira ngu tutimbe omunju, nimwo yaamuziikire,” Deogratius Byaruhanga Ceyamaani w’ekyanga nikwo arikugira

Nikigambwa ngu nyakufa okuburaho emyaka ebiiri omutabani akaguma namanyiisa abataka n’abekika ngu akaza kupakasa kugura egaari aha bw’okuba akaba atari kubaasa kuguza ekibanja, obwo batari kumanya ngu niwe yamwisire ari kwenda kutwara ekibanja kye.

Iga Maridadi, Kansara w’omwanya ogwo naajumiirira ekikorwa eki omuminyeto agumize ngu, “Nyowe amagyezi agu ndikuha eminyeto yoona, omubazi gw’obworo n’okukora. Kandi n’ekindi turekye kuteekateekyera munonga omubintu by’abazaire baitu ahabw’okuba nabo bakabikoreerera. Mzee ahu abaire ari tibarahamugabiire. N’ahabw’ekyo eminyeto twine kukoresa amaani obwire bw’okuhika ahakwita abazaire baitu ngu nitwenda eby’obugaiga bwabo.

Pooriisi yahiikaho  kandi yahwera abataka okuzikura amagufa kubaasa kugumizamu n’okucondooza kandi abataka baajumirira ekikorwa eki obwe bagumize ngu nyamutsigazi ogu akaabaire nakomwa amagara gye goona kandi abazaire bahabura eminyeeto obutareeba eby’obugaiga by’abazaire bakanga kukora.

“Nyowe ninteekateeka ngu kooti ekaabaire neemusiba obutarirugayo. Ahabw’okuba ku araagarukye omu naija kuturiza eminyeto endiijo. Titukaagira ngu nibwo atandikire. Nobaasa kushanga gubaire guri omuze gwe atwaire naagukora. Yaronda guruupu endiijo bakaba ekikoosi kihango nibakanya kandi ekicweka nitugira ekizibu,” nikwo Jessica Magezi, omutaka, ayerarikiriire.

Takia Namutebi, nawe omutaka omukicweka eki atungire okushaasha kw’amaani kushanga ngu ekikorwa kibaire omukicweka kyabo, ‘ekintu ekyaabaire kitakabaho ga’. “Ahabw’okuba twatangaara omwana okwita ishe akamureeta akamuziika omukishengye, kandi n’ekirikutangaaza akagumamu omunju egi akabura kurugamu.”

Obwahati Mark yakwatsirwe Pooriisi ya Isingiro eyatandiika okucondooza kandi naija kwigurwaho emanja zitari zimwe ezirimu n’orw’obwitsi  ahabw’okuba enju ei bazikuura ishe atwaire naagiraaramu.

LEAVE A REPLY