Ba ‘Rebel MP’ ba NRM barugiiremu aho omu ka LC

186
0
SHARE

Nelson Turyamuhimbisa

Ba ‘Rebel MP’ ba NRM abatarashagikire ekiteiso ky’okuhindura engyenderwaho y’eihanga, baimirwe sente million 3 ezibaire niziheebwa ekigombe kya NRM kuhwera okuronderaho ba chairman b’ebyaro oburuuru.

Aba tibo bonka baitu nabo abarikuruga omu rubaju orurikuhakanisa gavumenti sente miriyooni 3 tibaziteireho maisho.

Obwe hasigaire ebiro bikye akaruuru kaba ceyamaani b’ebyaro kuterwa , konka bo ab’ekibiina kya NRM abayangire kuhagira ekiteiso kyokuhindurwa engyenderwaho y’eihanga bimirwe sente zokuyambaho omukuronda abateezi b’akaruuru aha byaro aha bwobutetsigwa zatwarwa abandi .

Kurugirira ahari omwe omuri ba mp abatatungire sente ezi Hon Tumuzugu Micheal agambireho naitwe ati “Eky’omugisha omurungi eihanga ryona nirikimanya ngu okwanga kuhindura constitution bukaba butari bwengye bukye kureka kukaba kuri okujwekyera abantu baitum nangwa n’okureeba eki Uganda eshemereire kuba neerabamu okubaasa kuba nungi…”

Ayongire yagira ngu we n’abagyenzi be nibasharwaho sente zaabo buri mwezi aha bw’ekibiina ngu nobubarazitware we nakunda ekibiina kye.

Esente ezo nituziiha aha secretariat kwonka sente ezo niziba ziriyo nk’oku twabigamba kwonka batooraine abu baraazihe n’abu bataraazihe,” nikwo Timuzigu arikwongyeraho.

We Gerald Karuhanga agizire ngu “Na kakye na kahango aku turaabe twine nituza kukabagana na bagyezi baitu kureeba ngu barugayo baronda ba chairpersons ba LCs abahikire, kureEba ngu bayaMba ebyaro byaitu”

Kandi bo ba bamwe omuri ba MP abutugambireho nabo aha kyokuteera akaruuru k’omugongo bagizire ngu nibaija kuza omurukarara bateere akaruuru aka.

Kandi aba bongyeire baagira ngu oburuuru bw’ekyaro bukaabaire butarikuteererwa mukibiina ngu ahakuba abantu nibaba nibaronda omuntu owu barikuba nibesiga.

Hon. Mwine Mpaka agizire ngu secretariat yaabo neija kutwara sente ezo kandi na ba independents abaangihangire nabwe nibaza kukora n’abakwaitse ebendera ab[amashaza ago ahabw’okuba engyendererwaho y’ekibiina terikwikiriza otaine kibiina kushutamisa enkiiko.

Omuny’Ishengyero ahabwa Ishaza rya Rwampara, Hon. Charles Ngabirano, nawe agambire ahanshonga egi arikugira ngu ekibiina kyabo kya NRM kwenda ngu kibahwere baze kureeberera obururu omumashaza gaabo nka ba Ceeyamaani b’ekibiina, batateireho ka “transport n’amajuta” bya miriyooni 1.

“Kuri noogira ngu titwine bibiina ebiriho, nkaagizire ngu abantu baaza kutoorana ou baraateerere akaruuru bakaheereze ou barikureeba buriijo, barikwetegyereza kandi aine mirungi,” Hon Nsaba Butuuro nawe nikwo agambire.

Oburuuru bwa ba LC nibwija kuteerwa ebiro 10 by’okwezi oku.

LEAVE A REPLY