Ehururu y’okusirika endwara ya Rota Virus omubaana etongoziibwe, Rukungiri.

158
0
SHARE

Stuart Twinomujuni

Abashaho omu disturikiti ya Rukungiri batongoize ehururu y’okusirika endwara y’ekiirukano omu baana erikumanywa nka Rota Virus Disease erugire kubarukaho omu bicweka bitari bimwe omu ihanga.

Okusirika endwara egi tikurikutaanaho n’omuringo ogu Polio erikusirikwamu, kandi omwana nawe naaheebwa amatoondo g’omubazi omu kanwa.

Endwara egi okurugirira aha bashaho nekwata abaana bato kandi okusirikwa nikutwara abari ahagati y’esabiiti 6 kuhika aha sabiiti 10.

Sr. Florence Katunguuka, orikukurira okurika nagamba ahahurur egi ati; “Target yaitu etaaha eri ahansi y’omwaka 1. Kugira ngu omwana yaaza kuheza omwaka abe yaaherize ekipimo ky’omubazi gw’okusirika endwara. Kwonka ekigyendererwa kyaitu n’okwenda abaana baitu boona abari ahansi y’emyaka 5 babe baine amagara marungi, batari kukwatwa ndwara.”

Endwara egi neeyita, omuzaire yaaba ateegyendeseriize, kandi aha niho abashaho bariterera omuranga barikwenda ngu buri muzaire oine omwana w’emyeezi 6 na 10 kumutwaara akakiingirwa oburwaire obu.

“Ahabaana 100 omu Uganda, abaana 40 nibaitwa ekiirukano haza ekirikureetwa aka akokooko aka Rota Virus,” omushaho Alice Kasiisi Babihuga nikwo arikugira.

Martin Mugabe omujwekyerwa wa mukuru w’ihanga omu disiturikiti niy’emwe ashabire boona abu kirikukwataho kujanjaaza ehururu egi omubantu reeru bakaihaho rwekwatso y’okugira ngu tihaine eki barikumanya. “Mubagabire, orayende kuhurira ahurire, oraabe atarikwenda arereere. Kwonka arereere mumugambeire.”

Ripoota kuruga omu bashaho neyoreka ngu abaana barikurenga 10,000 abari ahansi y’emyaka 5 nibaitwa oburwaire obu buri mwaka, na mbwenu omubazi ogu gugyendereire kureebeka ngu abaana nk’aba tibaagaruka kwitwa oburwaire obu.

Kandi eki Sr. Florence naakishobororaho ati, “Mbwenu ekyo ekikatu kireetsirwe kugira ngu kikingire abaana baitu ekiirukano. Ekiirukano nikimaramu abaana baitu amaizi omumubiri haza habamu obutaingana omumyonyo y’omumubiri n’amaizi. Eki nikireetera omwana ogu ataaberwa gye kandi nabaasa n’okwihiriramu n’okufa.

Omuzaire orahiingurwe okusirika oku naija kuba naagura omubazi ogu aha shiringi 200,000 kandi okugutunga nikwija kuba kutoorobi

LEAVE A REPLY