Bataahirire ekiraaro ky’ente baatemamu ente ishatu.

381
0
SHARE

Susen Ndyamuhaki

Abantu abatakamanyirwe  bataahiriire ekiraaro ky’ente z’omutaka omwe omuri Rukindo omu diviijoni ya Nyakayojo Mbarara baatema ente ishatu za Johnbosco Mugizi.

Abataka nibashaba pooriisi kubahwera bagumize ngu eki kibaire ekiraaro kya mukaaga kutaahirirwa abatemu.

Ekiro kyabushesha erizooba, abinaazi abatakamanyirwe buruga nekigyendererwa batahirire ekiraaro kyente za Johnbosco Mugizi batemamu ente Ishatu.

Omw. Mugizi nagira ngu ente ze niziteekwateekwa kuba zitemirwe shaaha 6 mukaaga gw’ekiro ahabw’okuba akahikaho shaaha nka 6 n’ekicweka aizire kuzireeba. Ku yaaherize kuzireeba yateera amasimu omubakama. Beitu nayongyera agira ngu tibakamanyire ekirikureeta ekizibu ky’okutema ente.

Abataaka abaizire kushaasha n’omutaka mutaahi waabo nibagira ngu ekizibu eki kimazire esabiiti ishatu omukicweka kyaabo kandi amaaka garikuhiika 8 nigo gafeereirwe ente zaabo zirikuhika 30.

Muzamiruh Mbaziira, Ceeyamaani LC 1 ahabwa Rukindo ayorekire okwerarikirira kuhango arikugira ngu ente zaabo bazitemire munonga kyarenga. “Abainazi nibataaha omukibuga ky’omuntu batema ente 3 obundi batema 6 kandi obwahati baahisya ebibuga nka 8,” nikwo arikugira.

Mukuru w’entebbe ya kashatu ahabwa Nyakayojo, Jomo Mugabi, nagira ngu abantu aba berarikiriize ekicweka beitu nk’ababembezi bariyo nibakora obucweka ihembe.

“Nibagyenda ekiro nibatema kandi obwa hati baahikize ente nka 30. Ekigyendererwa kyabo kikituburiire. Nangwa tukabanza kuteekateeka ngu nibonesa kwonka obwa hati tureebire kyarenga,” Jomo nikwo arikugamba.

Aha niho DPC wa Mbarara arikushabira abataka kukwatanisa na poriisi babaase kukwata abainazi aba, abanyangareize amatungo g’abantu.

“Ekibi n’okugira ngu babaire batari kuhababa ahapoorisi. Bibaire nibibaho bahunama kwonka twaija naitwe twabireeba twakihamya ku n’ekya buzima ente zirikutema. Beitu eki turikushaba abantu n’ekintu kimwe kugira ngu batuhe emikono n’okutuhwera ahabw’okuba omuntu ogu kuri noomureeba, takaabura kukwatwa,” DPC Jaffar Magezi nikwo agambireho na TV West.

Nikigambwa ngu hakabanza obushuma bw’embuzi beitu baburwanisa kandi abainazi aba tibarikubanza kurabura bantu nk’oku ab’ebigyambiya barikukora.

 

 

LEAVE A REPLY