IGP Okoth Ochola ashabire poorisi ya Rwizi kukwatanisa n’abantu

274
0
SHARE

Christopher Ahimbisibwe

Kuruga mukuru w’ihanga atoorana Mr. Okoth Ochola ahabiro 04.03.2018 nka Mukuru wa Poriisi ya Uganda obwe arikuza omu bigyere bya Gen. Kale Kaihura, ogu gubaire omurundi gwe gw’okubanza IGP Okoth Ochola kutayayira Poriisi y’ekyanga kya Rwizi ahabwa Mbarara.

Ochola areebekire aha ofiisi za Rwizi ahabwa Mbarara aharwakataano rw’ebiro 25.05.2018 shaaha ishatu z’akasheeshe obwe arikwakiirwa Warugembe Joseph, omuduumizi wa Poorisi y’ekyanga ekya Rwizi.

Ochola abandize kubuganaho abebembezi ba Mbarara aha Lake View Hotel ahu babaasize kuganiira enshonga nyingi ezikwatiraine n’eby’okwerinda n’oku baakubaasa kumaraho enshonga y’okwiba abaana ebaire ey’amaani omu ihanga.

Ochola, arikugambaho n’abanyamakuru, agizire ngu nk’orikwebembera Poriisi ya Uganda n’omurimo gwe kureeba hamwe n’okumanya abarikwebembera hamwe n’okuduumira ebitebe bitari bimwe na bimwe bya Poriisi n’oku bakubaasa kukwatanisa kukora emirimo yaabo.

Aha shonga y’okuhamba abaana bakababuzaho n’ekigyendererwa ky’okushaba sente kandi obumwe bakabaita, IGP agizire ngu nka Poriisi bateireho enamba z’esimu (0800199990,0800199991,0800199992) ezi omuntu arikuteereera atashazirwe sente (toll free) kumanyisa poriisi baheza kwiba omwana weena. Eki nikiija kuhwera poriisi kurahuka kucoondoza abazigu ab’omuringo ogwe.

Esabiiti ehwire yoona mukuru wa Poriisi agimazire ari omukurambura ebitebe bya Poriisi ahu abandize Bushenyi akaza Mbarara akahendera arikuza Masaka.

LEAVE A REPLY