Omukuumi bamwitiire ahamurimo

368
0
SHARE

Christopher Ahimbisibwe

Buri kusheesha buri eriizooba haabaho okutangaara n’okutiina bwanyima y’okushanga omukuumi owaamanywa nka Sunday Justus okuruga omukitongore ekya Ruhaama Veterans Security Group afeereire ah’ishomero rya Joy Primary School eririkushangwa Kacenkye, Cleverland omu Diviijoni ya Kakiika omuri Mbarara.

Kurugirira ahari Hilary Blair omuhwezi wa Hedimasita w’ishomero eri, Justus abaire atarwaire kandi abamwitsire babandize bamukoma nikwe kumuteera bakamwita bwanyima bakatwara computer 2 ezi baihire omu ofiisi. Ekikorwa eki kyamanywa omukasheeshe obu baaza kugaruka ah’ishomero bakashanga amadirisa hamwe n’enyigi zimwe z’ebibiina ziigwire kandi obwo barikuzikinga. Ku baaza kukyebera nikwo kushanga Justus omukiibina kimwe akomirwe afiire.

Poorisi n’obu yagyezaho kukoresa ebwa yayo enkagiirizi tiyabaasa kukwata muntu weena. Omubiri gwa Justus gwatwarwa omu k’abafu obwe okucoondoza kurikugyenda omumaisho.

LEAVE A REPLY