Emibazi y’ebicupuri omumarwariro

815
0
SHARE

National Drug Authority yaarabura ahakugikozesa

Damba Wiziri

Mukuru w’ekitongore ekirikureebuuza omutindo gw’emibazi ekya National Drug Authority, Dokita Medard Bitekyerezo, arabwire abanya Uganda ku hariho emibazi y’ebicupuri omumarwariro na munonga ag’abantu buntu.

Emibazi egi n’ey’okukingira endwara y’ekine nari shi Hepatitis B amarwariro 6 ag’amaani omuri Mbarara gashangirwe n’emibazi egi.

Abantu bingi obwahati batwiire nibaza omu marwariro gatari gamwe  okwekingira endwara y’ekiine narishi Hapetitis B,  kwonka Dr. Medard Bitekyerezo,mukuru w’ekitongore kya NDA kandi ekiri kurebuza omutindo gw’emibazi, ayorekire okwerarikirira aha mibaazi y’ebicupuri etwire neteerwa abantu omuri Bugwa-eizooba bwa Uganda.

“Hahwaireho esande 2, omuntu akampeereza akapapura nashanga abantu barikusiiba nibacupura obupapura omu kompyuta. Ekinaakozire naamanyisa abantu bangye nti mureebe ekintu eki nk’oku kitari kintu kya buriijo. Ku bagukwatamu bashanga omubazi gufiire. Ekirikumanyisa ngu kibaireho kumara akaire kakye. Kwonka niimanyisa abantu abo boona abaine omubazi ogwo barekyere aho kandi omubazi ogwo bagutware aha ofiisi za NDA bagurangirire ku gufiire. Ahabw’okuba ku oraaremwe kurangirira omubazi ogu ogututarikumanya, nikiija kukureetera ebizibu ebindi bingi munonga iwe nk’omukozi omuby’amagara,” nikwo Bitekyerezo agambeire TV West.

Dr. Bitekyerezo hamwe n’abakozi b’ekitongore kya NDA omuri bugwa eizooba erizooba, bayoreka  emibaazi eyi bakwatsire omu marwariro agari kurenga 6 omuri Mbarara na Ntungamo .

Nayongyera agira ngu, “Hati ekyo nikimanyisa ngu nimuza kugaruka babateere ogundi ahabw’okuba ogumwatungire nituza kubanza twagutwara Kampala kugushwijuma. Kandi eki ndikwenda kubamanyisa ku turaagushwijume twashanga ebintu ebi baateire abantu aba gutari mubazi gw’onyine ogushemereire kuba niguteerwa ahabwa Hepatitis B, abantu aba nibateekwa kutwarwa omu kooti.”

Hoona kishangirwe ngu omubaazi ogukwatsirwe gwaba gutari gw’ebicupuri,  gubaasa kuba guri ogwa gavumenti ogwayibirwe.

“Gushemereire kuba gwizire omuri ka vile kamwe kuteerwa kakahweraho, vile ezi orikushanga noteera abantu 10, ogu omubazi bakagwohereza omu gavumenti. Ekirikumanyisa ti haine ahi gushemereire kuba guri omumarwariro ag’abantu buntu,” nikwo Bitekyerezo arikushoboorora.

Erizooba, twahika omu marwariro agari kugambwa kuba gabaire geine omubaazi ogu omuri Mayanja memorial,Mbarara city clinic, Mbarara community  hospital, Divine Mercy clinic, Homely  medical center, Mbarara Univeristy of science and technology na Doctors clinic Ntungamo kandi bamwe, babasa kushoborora enshonga egi.

Benson Muntu Bakinyenza owa Homely Medical Centre naagira ngu, “Emibazi egi nitugigura omubitongore ebiikiriziibwe gavumenti kuguza emibazi egyo nka za DHL, JMS. Okwo niyo turikuguza emibazi yaitu. Mbwenu ku biraabe byaikiriziibwe gavumenti kuguza emibazi egyo, naitwe nituba nitwikirizana nabyo kugira ngu emibazi egyo ehikiriire”

“Omubazi ogu NDA yashangire aha tukagugura omu MAT Diagnostic Centre erikushangwa Kampala. Niy’egyo ebaire neetuha emibazi egyo,” Saul Niwebesiga owa Mbarara Community Hospital nikwo agambeire TV West.

Abantu Nyamwingi omuri bugwa eizooba bwa Uganda, obwahati bateirwe omubaazi nigwe gumwe, kandi ekibaasa kureeta akabi aha magara gaabo.

Farida Khaukha – Manegya wa NDA Bugwa-izooba, naagira ngu n’eky’okutangaaza kushanga ngu abantu aba abarikukoresa emibazi y’ebicupuri baahikire n’omumashomero kandi nibabaihaho sente zirikuhika shiringi 30,000 kumarayo ekipimo ky’omubazi.

Amarwariro, agari kugambwaho, nigagira ngu n’enshobi ya gavumenti okwikiriza ebitongore by’ekishobobo kuguuza emibaazi etari aha mutindo aha bw’okuba bo niyo bari kushuubura kandi bimwe aha bitongore ebyabagurize birimu Kumate diagnostic center, forever green enterprises na Sanyu medical egambirwe aba NDA,

We Dokita Stephen Ssemakalu nawe owa NDA abantu okwegyendesereza ebintu ebirikugura sente nkye. “Ebintu ebirikugura sente nkye obumwe nibiija bizamu sente nyingi bwanyima y’obwire. Nitubarabura ngu ti buri muntu weena ngu naagyema omubazi, kandi omubazi ogu tibarikugutamburiza ahanguuto nari shi okugutembeya. Haine oburikushanga omumabaasi barikuguza omubazi kandi obwo abantu barikugurira kimwe beitu kaingi nibaba batarikumanya ebi abatembeya baine omubishaho byabo.

Obwahati ekitongore kya NDA, kihamize ngu nikiza kukyebera emibazi yoona ekwatsirwe, kureeba ngu eyibirwe omu gavumenti narishi eri ey’ebicupuri kandi gavumenti ererebe oku erafubire boona abayejumbire omunshonga niyo emwe.

 

LEAVE A REPLY