Owa The New Vision owabaire akwatsirwe, arekwirwe

452
0
SHARE

Charles Etukuri bamuhikize aha ofiisi za New Vision ahari shaaha 12 ez’omwabazyo. Emotoka ibiri, eya Corona na Double Cabin, ezibaire zirimu amahe nibo bamureetsire.

Bwanyima y’okumuhisya aha ofiisi za The New Vision ashohoire emotoka y’ekika kya Corona yataaha omunda, nikwo emotoka z’abaserikare kweyongyerayo.

Naagira ngu abaserikare abaamukwatsire aharwakabiri orwa wiiki ehwaire bakamwiha aha ofiisi, obu baamushanga nayigura orwigi rwa motoka ye. Bakamuyoora baamuteekaho empingo ahamikono baamushangira n’omwenda omumaisho kandi baamuvuga atarikumanya ahi barikumutwara.

“Omumazima agari go aho nkamanya ngu agangye gaahwa ahabw’okuba nkaba ntarikumanya ahi barikuntwara. Emotoka ekaba neiruka munonga n’ebiina erikumara agabigwamu. Nkagarukamu okwetegyereza nashanga ndi Kyengera omukiju,” Etukuri nikwo agizire.

Ekyamuhwereire ahi yaabaire ari n’abantu abu yaashangireyo abaabaire barimu aba Bodaboda 2010, n’abantu abandi abaabaire nibarindirwa okwo.

Okurugo obwo abaire naakora “sitaatimenti” haihi buri izooba arikusoboorora ahamboozi ei yaahandiikire ahamutuuragye wa Finland omuri Buraaya owashangirwe afeereire omu Hoteeri ya Pearl of Africa omuri Kampala.

Bakaba nibamubuuza ahi yaihire ebi yaabaire nahandiika beitu yaabahamiza ku eka y’omugyenzi kuruga omuri Finland niyo yaabaire emugambira.

Eizooba rya nyomwebazyo abugaine orikukurira ekitongore ekirikucondooza omu ihanga, Col. Frank Kaka Bagyenda kandi eki kuratsireho kubaire okurekurwa.

Bamwe omuri bataahi be abarikukora nawe omurimo gw’obushaki bw’amakuru omukitongore ekya The New Vision bashemereirwe ahabwa Etukuri kurekurwa. Beitu bajumiriire omuringo ogu yaakwatsirwemu barikugira ngu gukaba gutarikwetaagisa.

Agizire ngu ahi baagiire kumurekurira, kampuni ebandize yatunga ekiragiro kya kooti ekirikuragiira abaamukwatsire kumurekura.

LEAVE A REPLY