Orikweyeta omugabe,Umar Asiimwe, arabwirwe

648
0
SHARE

Minisita wa w’ekikura ky’abantu hamwe n’entunguuka, Hajati Janat Mukwaya abugaine Umar Asimwe orikweta omugabe w’Ankole Rubambasi Ntare wa VI n’abakuratsi be abarikweyeta ba minisita ahari Lake View n’ekigyendererwa ky’okumwemereza kureka kuhabisa abantu.

Omurukiiko oru orutandikire shaha 8 rukahendera shaaha 2 z’ekiro, minisita abaire aine abeebembezi ba district ya Mbarara hamwe n’ab’eby’okwerinda kandi abanyamakuru barubingirwemu.

Bamwe ab’orubaju rwa Umar batandikire kurutorokamu barikugira ngu ebintu ebi barikubabuuza byabagumira. RDC agyerizeho kubagaruzamu baaguma baangire.

Na bwanyima y’okuhendera orukiiko, Minisita agambireho n’abanyamakuru yashoborera ku bashaziremu ngu Umar atagaruka kweyeta omugabe w’Ankole ahakuba obugabe bwa Ankore tiburiho.

Minisita nagira ngu Umar n’abantu be ku baraabe nibenda ku aba omugabe wa Ankole baine kukuratira amateka ga gavumenti nk’oku garikuragiira.

Minisita nagira ngu naaza kuragiira ab’ebyokwerinda boona kureeba ngu baakwata Umar Rubambasi ku araagumizemu arikweyeta Omugabe wa Ankole hamwe n’okukozesa eiziina ry’obugabe.

Orukiiko ku ruhendeire tugyereziyo kugamba na Umar Rubamabasi beitu tabaasize kugamba n’itwe.

Gaashakwa Ivan Tusiime

LEAVE A REPLY