Abataka bekyanga eki ababa bebembeirwe Jonathan Bongonzya abutwashanga aha rutindo oru bashobangirirwe nibagira ngu abeebembezi ba disiturikiti hamwe naba Sheema municipality nitekwa kugira ekibakoraho ahanaho emotoka nabantu batakagwiremu bakafa.
Nibagira ngu kampuni eyakozire orutindo oru ekarukora kubi haati ngu rutandikire kushenyuka obwe eitaka ririkutwarwa amaizi.
Ceyamaani wa disiturikiti ya Sheema David Kabigumira nagira ngu enshonga egi neija kukorwaho.
Orutindo rwa Ngoma rukakorwa omu mwaka gwa 2005 kwonka obwahati rubarukiremu omunyararazi oguretsire rwatandika kushenyuka.
GASHAKWA ABRAHAM MUGANZI
