OMUPOORIISI ONDIIJO YAITWA N’AMASAASI OMU DISITURIKITI YA SSEMBABULE.

1509
0
SHARE

Ahuturikugambira ebi aba pooriisi 4 nibo bakwatwa okuhweraho pooriisi omukwitwa kwa FFU Vincent Ssemivumbi .

Ekikorwa eki kyabaho omukasheshe erizooba omu kyaro kya Bugoloobi, Lwebitakuli  omuri Ssembabule district obu pooriisi yaba nekora ekikwekweto ky’okukwata abakozi b’ebihagaro.

Abataka nibagira ngu nibakira kuteganisibwa abantu b’ekishobo bakwiza nebyitsi obwe bakubibaho ebintu byabo kandi ngu omukiro abahenzi b’ebiragiro aba batire bahutaza abantu 10 omu kyaro nikyo kimwe.

Omu pooriisi owafa Vincent Ssemivumbi, yaba aine emyaka  40 y’obukuru kandi yaba nakorera aha pooriisi post eya Lwebitakuli .

Omugambirizi wa pooriisi ahabwa South Buganda Diana Nandawula yahamya amakuru aga.

Bamwe omu beebembezi b’ekicweka eki nibagira ngu ebihagaro by’okutuntuza abantu nibyeyongyera omu kicweka kyabo.

 

Abeebembezi nibenda ngu pooriisi eyongyeze eby’okwerinda omu kicweka kyabo.

Omubiri gw’omugyenzi gwatwara omukabafu omwirwariro erya Masaka.

CIID’s Camusafu Mugenyi yashaba abataka okukwatanisa na pooriisi okuhezaho obuhenda biragiro omu kicweka kyabo.

Pooriisi yatandika kukyondoza omu nshonga egi.

Edward Muhumuza

 

LEAVE A REPLY