Ba dureeva 30 kutwarwa omu kooti ahabw’amabanja ga miriyooni 23

104
0
SHARE

Kyiru Ramadhan

Ba dureeva 30 b’ekigombe kya RUTODA ekirikushangwa omu Tauni Kanso ya Rubirizi n’ab’okutwarwa omu Kooti ahabw’okuremwa kushashura amabanja ga miriyooni 23.

Nikigambwa ngu aba bakagura motoka ya miriyooni 53 reero bashashuraho million 30 basigara nibabanzibwa million 23 ezi baabuzire kushashura n’obwire bukahwayo.

Ebyo byona bigambiirwe omurukiiko rwa ba dureeva obu babire nibataho emiringo y’okureeba okubarashashure sente ezi. Nikigambwa ngu buri dureeva aine kubiika 100,000 buri sande ahu baine kugura emotoka 2 kwonka n’eky’okutangaaza kushanga nibaremwa kushashura sente.

Omwe omubaatandikireho ekibiina nagira ngu akareeba ba dureeva barikweriira kubi batarikwebiikira nikwo kutandikaho ekibiina n’obu baraabe nibabanzibwa.

“Obwire obwingi ba Dureeva nitukira kweriira kubi. Noshanga dureeva baamuha emotoka kumara ebiro 3 kwonka ayanga kugivuga nikwo arikuza ahakatebe kandi akatandika kusisiraho kubi,” Ben Mubangizi dureeva nikwo arikugambira TV West

Meeya ashabire ba dureeva okukwatanisa hamwe n’okuguma ahamuramwa ngu nabo nk’abebembezi nibaza kubahwera omuri buri kimwe.

“Muze ahamuramwa reeru mureebekye ngu bizinensi ezi zaaza ahamuramwa reeru naitwe abebembezi tubone nk’oku twabakwatiraho kureeba ngu ekibiina nk’eki nakyo kiine obujunaanizibwa bw’okuza omumabanka g’eby’obushuubuzi kutunga za looni,” John Magezi – Meeya wa Rubiriizi

Bashir Munabam Ceyamaani wa ba Dureeva nagira ngu, “Twaba twine ekibiina kyaitu haza dureeva akakora enshobe bakashanga ataine ebihandiiko nari shi permit ninga bakamukwatira excess, twine obugabe bw’okuzayo tukamwihayo.”

Bahendire baikiriize ngu motoka bagikwatse Aggry Baryanengwe abaase kugivuga kandi agume nayanjura 100,000 buriizooba obundi zikabaahweraho ahakushashura ibanja.

LEAVE A REPLY