Abahagizi ba Radio West aha Social Media kwesingurira tiketi z’Ekinihiiro

199
0
SHARE

Emilly Rukundo

Obwo harikuburayo ebiro bikye tukahika ah’izooba ry’Ekinihiiro Tungu Tungu ekya Radio West ekirikuza kubaho ebiro 28.07.2018, abahagizi ba Vision Group na munonga Radio West kandi abarikukunda kugihagira ahamikutu ya intaneeti eya Fcaebook na Twitter eshaaha yoona n’ab’okugira amashemererwa bwanyima y’okutunga omugisha gw’okwetungira omugisha gw’okusingura za tiketi obwo barikurabira ahamikutu egi.

Okurugiirira ahari, Adella Mbabazi, orikukurira eby’empurizana ey’ahamikutu ya intaneeti, gyete Social Media aha Radio West, abarikukuratira Radio West aha Facebook na Twitter, abanyamugisha 14 kuruga aha Facebook hamwe n’abandi 6 kuruga aha Twitter nibo barikuza kwesingurira tiketi.

Adella naagira ngu, “Teeza ekishushani na munywani waawe ou orikwenda ngu oije nawe omukinihiiro kya Radiowest 28.07.2018 okite aha Facebook yaawe obwo orikukozesa ekigambo (nari Hashtag) #Ekinihiiro19 otaggingemu (Tag) na peegi ya Radio West. Omuntu oraatungye LIKES na SHARES nyingi kukira abandi eizooba eryo, niwe arikuza kusingura tiketi we na mutaahi we ori omukishushani. Mbwenu obwingi bw’abantu abaraakunde ekishushani kyawe (Likes) nibwo buraareetere iwe na munywani waawe kutunga emigisha y’okwesingurira tiketi ezirikubataasya omukinihiiro.

Iwe kyawe hati n’okutaho ekishushani kyawe reeru ogambemu peegi ya Radio West hamwe n’oku orikuza kuba ori ahakinihiiro, otungye LIKES nyingi reeru OHANGURE TICKET

Kandi abarikukuratira Radio West aha Twitter (@radiowestug) ebyabo byanguhi.  Adella nayongyera agira ngu okusingura tiketi erikukutaasya omu Ekinihiiro19 ebiro 28.07.2018 omukishaayi Kakyeka, nookunda kandi okora Retweet aha Tweet ya Radio West eriho ekishushani ky’emotoka y’okuhangura omukinihiiro eya Toyota Wish. “Iwe ekikuru, kuratira Radio West aha twitter (@radiowestug), okore LIKE kandi ogarukye okore RETWEET aha tweet eriho emotoka y’ekinihiiro. Obaasa kwesingurira tiketi erikukutaasya omukinihiiro. Abaraagire eki baagamba ahakinihiiro Tungu Tungu (Quote Tweet) nibaija kwongyera emigisha yaabo y’okuhangura.

Oyihireho okusingura tiketi, ab’eby’obutare aha Vision Group Mbarara nibagira ngu abahagizi baabo babainiire ebiconco nyamwingi ebi barikuza kuba nibagaba omu wiiki y’ekinihiiro ahi barikuza kuba nibataayayira ebyanga bitari bimwe na bimwe omuri burengyerwa-izooba

Tweshangyeyo!

LEAVE A REPLY