Abebembezi ba Mbarara bainamira Rutehenda

188
0
SHARE

Adolf Ayoreka na Nathan Tukundane

Abebembezi ba Munisiparite ya Mbarara abaaba barimu ba Kansara, Meeya wa Mbarara n’omujwekyerwa omu Ishengyero ry’ihanga omwebazyo gw’eriizooba baateranira ahakanso kusiiga eriisho ry’ahamuheru ahari Mzee Robert Rutehenda owaabaireho Meeya wa Mbarara kuruga 1992 kuhisya 2002.

Abebembezi baacwamu kugira emihanda nari emyanya ei bayeta eiziina rye nka gumwe ahamuringo gw’okusiima emirimo ye n’amaani gye agu yaatwereire orurembo rwa Mbarara.

Rutehenda niwe Meeya wa kashatu wa Mbarara omuri ba Meeya b’abairaguju. Obutare nka aka Central Market, Kakoba Rugazi, Rwebikoona, Kora Norya, Kakiika na Markhan Singh hamwe na Paaka ya Bus na Taxi, bikatandikaho omubutware bwe.

N’omwe ahabantu abaateireho mooto ya Mbarara eya “Ebirungi Biruga Omutuutu” kandi n’amahembe g’ente gakatandikaho ari omuntebe y’obwa Meeya, n’ebindi bingi ebi yakoreire orurembo rwa Mbarara

Omugyenzi naija kuziikwa owe omuri Nyabuhikye omu disiturikiti ya Ibanda aharw’okubanza.

Mukama amuhe ekihuumuro kirungi.

LEAVE A REPLY