‘Mwerinde akaruuru k’akaheehe’, Minisita Elioda arabwire Sheema.

103
0
SHARE

Abraham Muganzi

Minisita w’ebya Sayansi na Tekinologiya Dr. Elioda Tumwesigye wiiki egi atandikire okuronda akaruuru omu byanga 223 bya Sheema minisiparite ahu ashabire abantu obutateera akaruuru k’akaheehe.

Minisita Elioda Tumwesigye obaire ashendekyereziibwe Minisita mutaahi we, Prof. Ephraim Kamuntu kandi omubiiki w’ekigombe kya NRM omuri Sheema.

Arikugambira abantu ba Migina Dr Elioda agizire ngu aha murundi ogu amaani maingi naaza kugata ahakukora enkuuto nungi abantu babone kutambuza ebihingwa byaabo barugye omu bworo.

“Hati aba Road Fund tugambire nabo. Kandi kuruga omukwa mushanju nibaija kutuheereza biriyooni 800 ahabwa Munisiparite. Ekyo nituteekateeka ngu nikiija kutuhwera kukora ahanguuto zoona,” nikwo Dr. Elioda agambeire aba Migina.

Ceyamaani LC 3 w’egomborora ya Kagango Benson Nsumbusha nagira ngu nk’abeebembezi n’abataka ba Sheema munisiparite nibenda omuntu orabashakire omu gavumenti ya rwagati.

Bamwe omu bataka ba Sheema munisiparite bashaba mp weena owubaraterere akaruuru okureeba yabahitsyaho obuheereza nk’enkuuto.

Akaruuru nikaza kuterwa ebiro 19/7/2018 ahu orasinge naaza kurahizibwa
nka memba wa paramenta omutsya wa Sheema munisiparite.

LEAVE A REPLY