Aba FDC: Nituza kukuuma akaruuru mpaka bakarangiriire

200
0
SHARE

Stuart Twinomujuni

Obwo barikuhendera kampeyini z’okuronda akaruuru ako mukyara ahabwa district ya Rukungiri aba FDC barahira kukuma akaruuru kurinda obu aba electrol commission barakarangirire.

Ebi babigamba obu baaba bari aha rally z’aha muheru omuri Buyanja ahu baaba baine enkuyanja y’abantu obwo barikuronda obushagiki bw’omuntu waabo, Betty Muzanira akaruuru.

Abakuru omu kibiina ekya FDC ababaire bari omuri Buyanja ahu bashabire abantu kureeba ngu batera akaruuru kabo kandi bakakume kurungi kugira ngu batakiba.

Bayongyera bagira ngu nibaza kukozesa obukoryo obubakozise omubururu obwa Kaginda Roland kandi ngu tihaine muntu weena orayibe akaruuru kabo.

Aba bagira ngu nibaza kukozesa ekibayeta Power Ten ahu erabayambe kurinda kurungi akaruuru kabo.

Abantu abariyo nibaronda akaruuru bagambira abantu omuri Rukungiri ngu obu nibwo bwire bwokwereka muranga ngu akaruuru naka FDC kandi tihaine orakahindure.

Francis Mwijukye Mp wa district ya Buhweju yashaba eminyeto okwimuka kare reero bakaza kutera akaruuru kandi bakakume arikugira ngu eminyeto nigwo mani aga FDC

“Eminyeto ba Sebo na ba nyabo, n’itwe twebembeire akaruuru aka. Mbwenu omukaruuru aka, itwe abaizire titwakigarukayo. Nituza kuguma aha mpaka. Mbwenu eki twaza kukora, nituza kureebeka ngu orwakashatu nyekiro twaza aha disiturikiti, obubokisi baabwihaho, twabushendekyereza, mpaka ahagomborora, twabukurata mpaka aha polling station. Bwaheza kuhika aha polling station tushangye mwahikireho,” nikwo Hon. Mwijukye ahuuriirwe arikugamba aha raare egyo.

Ayongyeire yagira ngu akaruuru ku karaaheze kubarwa nibenda kandi nabwo bakashendekyereze mpaka aha disiturikiti bagyetooroore, batakakarangiriire tibarikurugaho.

 

LEAVE A REPLY