Gavumenti entadikireho emiringo y’okurinda eby’obuhangwa

227
0
SHARE

Gilbert Muhanguzi

Gavumenti entadikireho emiringo y’okurinda eby’obuhangwa erikwongyera amaani omu kubyara emiti.

Ebi bigambirwe ori mukuru w’eby’obuhangwa omu ofiisi ya minisita aha mukoro gw’okubyara emiti omuri Kasese.

Hatakabaireho okubyara emiti habandize haabaho okutambura okuruga ahari Kigoro Pooriisi borekyereire ogwaza aha mbuga nkuru za disiturikiti ya Kasese ahi babyaire emiti.

Okutambura oku kubaire kwetabirwemu abeebembezi ba disiturikiti ya Kasese, Uganda Worldlife Authority (UWA), aba World Wide Forest (WWF) hamwe n’abeegi ba Yunivasite ya Makerere University.

Paul Mafabi ori mukuru w’eby’obuhagwa hamwe n’amaizi omu omu ofiisi ya Minisita niwe ajwekire Minisita ahamukoro ogu ashabire buri disiturikiti ku erinda eby’obuhangwa.

Mafabi naagira ngu eki nitukikora nk’obutumwa burikworekyerera abantu abandiitwe nk’ekitongore turiyo nitutaho za nasare z’emiti omu ihanga ryona kureebeka ngu twagaba ensigo emiti y’omutindo gw’ahaiguru ahari buri omwe orikwenda kubyara.

David Duli mukuru w’ekitongore kya World Wide Forest we nagira ngu obu nibwo bwire kureebeka ngu Uganda yagaruka yaaba ey’erangi ya kinyatsi.

Paul Duli owa World Wide Forest we naagira ngu, “Kasese eyomire munonga kandi neyosya kwonka kuruga tutandika okubyara emiti egi, Kasese ehindukire.”

Omukoro guhendeire boona barikugira ngu ahamurundi ogu baaza kukora kyona ekirikubaasika barinde eby’obuhangwa

LEAVE A REPLY