Obaire nayeyeta owa Middle East akwatsirwe

468
0
SHARE

Ruth Nuwamanya

Nikigambwa ngu nyakukwatwa orikweyeta Steven Rwakanuuma abaire nagambira abantu ngu ni manegya wa kampuni ya Middle East Consultant Limited, erikutwara abantu aheeru, atyo nikwo kutandika kubanyunguturamu sente buri muntu miriyooni 2 n’okurengamu beitu kandi ahi akwateirwe abaire aizire kwihayo sente ezibaire zitsigaireyo.

Gody Kansiime, Ngamba ahamuryangatanisa ogu arikugira ngu, akatandika arikubiiha ngu natwarira Miriyooni 1 n’emitwaro 30, arugaho ahisya ahari 2, hati ku ziba 2 n’ekicweka, esimu aguma nazisharaho. Abagira ngu nibaza kugyenda ebiro 15, tibagyenda. Agira ngu nibagyenda 20, tibagyenda. Agaruka agira ngu nibagyenda 25 by’okwokubanza, nabwo tibagyenda,”

Allen Natukunda nawe owaibirweho sente naagira ngu, “Sente zo zibaire ziri nyingi ahabw’okuba buri muzaire abaire nashashura miriyooni 2 n’okugarura ahaiguru kandi abaire akiriyo nayeyongyera kushaba ezindi sente.”

Ogu obwire bw’okugyenda ku bwahikire yagambira abaana aba abi yaabaire nagira ngu nayenda kutwara aheeru ngu gavumenti ezi yabaire neyenda kubateeraho teraziteireho ngu mbwenu bongyeremu ezindi sente.

Danston Rubaka, owa Middle East naagira ngu Middle East teyine Agency yoona beitu Owoyesigire Steven abaire nayetwaramu nka Agent. “Ayibire abantu baingi kandi twahisya abantu 5 abaaija aha kwatura ku yaabaibire kwonka orukarara rukiri ruhango kandi turiyo nitucondooza mpaka abantu boona abu yaayibire bahwaireyo,” nikwo Danston arikugira.

Milton Kabuteirwe nawe owaibirweho sente naagira ngu akaba aziihire omuri Kafuna kandi buri miriyooni 1 ebaire negoba emitwaro 15 buri kwezi

Danston Rubaaka Manegya wa middle east itagi erya Mbarara nagira ngu  timurundi gw’okubanza omutsigazi ogu nakozesa iziina ryabo kwiba abantu.

Steven Rwakanuuma naagira ngu, “ku naabaire ndi aho, natunga abaana barikugira ngu ‘nobaasa kutungira omuntu arikubaasa kutungira emirimo aheeru?’ Nti, ‘Eee…’ Natunga omwami bakaba nibamweta Akampa Kenneth, arikukorera Kampala, yaagira ati abaana obareete. Nakora process yoona abaana baijuza ebipapura bya passport by’okugyenda, kutwagyenzire, abazaire abakaba bampeire n’esente ngu nzimutwarire abaana sente baazihisyaho kandi bazishashura. Hati ku mbaire ndyaho ndeeba Kenneth nanteerera esimu arikugira ngu esente ezi abaana baamuhaire ni nkye ngu bongyere ahasente

Ogu obwahati akuumiirwe aha pooriisi ya Kabingo omuri Isingiro.

 

LEAVE A REPLY