Omubiri gw’omugyenzi Susan Magara gwashabirwa eriizooba.

565
0
SHARE

N’ebya Edward Muhumuza

Haabaho okushabira omubiri gw’omugyenzi Susan Magara ahakelezia ya Our Lady Of Africa omuri Mbuya.

Omwishiki ogu bamwitiire omubwire obubaie butebeekanisiibwe kumuhereza abanyabuzaare be reeru nabo bakahereza abainazi aba sente ezibaabaire bashabire, ekintu ekyatangaza ab’ebyokwerinda.

Nikigambwa ngu Mukuru wa Poorisi Kale Kayihura niwe abandize kuhika ahamwanya ogu baitiiremu omuntu kandi kandi babaire batarikwikirizaho abanyamakuru na camera zaabo. Omubiri gw’omukazi ogu gushangirwe ahari Southern by-pass omuri Kigo kandi kitwariire pooriisi obwire bw’eshaha ishatu barikukora okucondooza omu mwanya ogu kwonka tihaine omuntu wa buriijo obaire nayikirizibwa kuhika omu mwanya ogu.

 

Suzan Magara ow’emyaka 28 muhara wa  John Magara,akakwatwa abainazi abatakamanyirwe  ahari  Lungujja Kampala.

Akaba nakora omuby’esente aha dayare y’ishe eya Bwendero Dairy Farm erikukomooka Hoima kwonka ofiisi  ei abaire nashutamaho n’eya  Kabakanjagala omuri Kampala.

Kwiha abuzibwaho ,abamuburizeho batwire nibashaba biriyooni 3 omu sente za Uganda.

Omubiri gwa Suzan gutwairwe omukabafu Mulago Kampala ahi abanyabuzaare be babaire bagutegyerereize kandi nabwo abanyamakuru babaire batarikwikirizibwa okuteera ebishushani.

Omutumbi gwatwairwe omu motoka y’irwariro ebaire ekuumirwe pooriisi ya Flying Squad.

Tikikeetegyereziibwe kurungi ahabw’enki pooriisi erinzire munonga omwanya ogu Suzan ayitirwemu kandi n’aba pooriisi ab’amaani bahikire omu mwanya ogu ekitari kyaburijo.

Abataka nibenda pooriisi eyongye amaani omuby’okwerinda.

LEAVE A REPLY