Abantu 200 bari omurutaro rw’omugongo gw’abeeteraine omuri Bushenyi

428
0
SHARE

N’ebya Ben Muhoozi,

Bushenyi

Bamwe omubatwiire bari bakama b’omugongo ogwa Mutukura omu disiturikiti ya Bushenyi boorekire okutangaara ku bagyenzire nibaza kuguriisizamu n’okuhinga bakashanga ekyaapa kirikubatangira ahamaisho kirikuragiira obutagaruka kugira muntu weena owagaruka omumwanya ogwe. Niho orutaro rutandikiire.

Omugurusi Enos Kataamare, owaabaire ari Memba nagira ngu bakaba bagukozesa, baija bayombekamu n’ekidiba kandi nibahingamu okuhisya hati ahi baguguriize batarikugumanya

Gilver Rurema otandikire omuranga naagira ngu, “Bwanyima y’okuhurira abantu nibeetomboita n’abandi barikugamba omushenyi, nkagira nti ‘No! Itwe nk’abebembezi ba nyencakare, ogu omuranga ku turikuguhunamira abantu nibaija kwitana.

Abakaikuru bamwe kandi enfaakazi borekire okwetomboita barahira kutambuza ebigyere byaabo bakutongana omugongo gwaabo ahakuba nibamanya okubagubonaboneire .

Omwe omubakaikuru aba, Constance Biroora agambeire TV West arikugira ngu, “Eki ndikwetomboitira n’okureeba ngu omugongo n’itwe twaguguzire, tukagutembuura eshaaha ekihika tukaguha abaana bato.”

Abebembeire okwetomboita barahiire okubehaireyo kukora ekikubaasika kureeba ngu bahika ahakibakwenda ahakuba bari omukutongana ebyaba Ishenkuru naba Ishebo

Johnson Mobutu obaire ayebembeire tiimu naagira ngu
“Emyaka 21 ei naahisya omu poorisi kandi 15 ndikukora nka ditekitiivu, ekindikukora ninkimanya. Tindikubaha buhabuzi bubi beitu n’obukwakuba okuhika ow’omukuru Bamugemereire, nituza kuhikayo ahabw’okuba ekintu kyona kiri omu layini. Nyowe ningyendera ah’iziina rya Shwenkuru owaabaire ari omuba Taremwa Growers Cooperative Limited.”

Abeteraine borekire Police eyetabire omurukiiko okuhariho n’abatandikire kuhayiramu bamwe abatandikire kutwara enshonga ezi omu banyamateeka niho Police eraburiire abagambirweho kuhayira bataahi baabo niho omuhikaanisa wa Police nabantu abashabiire okugumizamu barikugyendera omubiragiro ngu nibwo baraije kuhika ahakibarikwenda.

Omuhikaaniza wa Poorisi Wilson Kathembo agambeire abantu aba ati, “Mugumizemu n’obuteeka. Ebintu byanyu obu mwabitamu abantu bakuru aba, nibaija kubicondooza okuhika ahi biraahikye kandi babeete nari babahamye ngu ebintu byanyu niby’ebi.”

Abantu barikuhika 414 nibo barikugambwa kuba baabaire bakwatsire omugongo gurikuhisya Hiika 80 omumwaka gwa 1962 bwanyima bakombekamu n’ekidiba ky’okwogyezamu ente zaabo.

LEAVE A REPLY