Omugyenzi Tsvangirai bakagyezaho emirundi 4 kumwita

266
0
SHARE
Morgan Tsvangirai, kirinju obaire nayebembera orubaju oruhakani kandi orwaniise obutegyeki bwa Robert Mugabe kumara emyaka mingi afiire ekiro kya nyomwebazyo orwakashatu bwanyima y’okuriitana n’endwara y’ekookoro.

Tsvangirai owatandikireho ekibiina kya Movement for Democratic Change (MDC) omugwa 1999, abaire ari omwe omubikongi ebibaire nibijumiirira Mugabe, owategyekire Zimbabwe obwire buraingwa akaija akaihwaho omukwa 11 omwaka gwa 2017.

 
Omwe ahabahwezi ba mukuru w’ekibiina kya MDC, Elias Mudzuri, ayorekire okushaasha kw’amaani bwanyima y’okufeerwa oku “Ninshasha kumanyisa ku twafeerwa ekikongi hamwe n’omurwanirizi waitu w’obutegyeki obw’abantu,” nikwo Elias agizire ahamukutu gwa intaneeti ogwa Twitter.
Tsvangirai obaire emyaka 65 y’obukuru, akakomwa emirundi mingi ahabw’okuhakanisa n’okujumiirira obutegyeki bwa Robert Mugabe.
 
Ab’eby’okwerinda bakafunzaho Tsvangirai omugwa 1989 bwanyima y’okurabura ku harikuza kwimukaho okuremesa abantu okwejumbira omuby’obutegyeki omu ihanga.

Tsvangirai akagira akaba ari omuntu ou bagyerizeho emirundi 4 kwita – oteiremu n’ogwa 1997 ogu abainazi baagyerizeho kumutambika barikumurabya omudirisa ya ofiisi ye.

Morgan Richard Tsvangirai akabaho enganzi y’ihanga rya Zimbabwe kuruga ogwa 2009 kuhisya 2013. Akeebembera ekibiina ekya kandi yaaba enkongi mpango ahabw’orubaju niruhakanisa Purezidenti Robert Mugabe. Akashomeraho om ishomero rya John F Kennedy School of Government kuruga 1990 kuhisya 2001 kandi yaija yaahandiika ekitabo eki yaayetsire At the Deep End

LEAVE A REPLY