NKUNZI YANGYE: Mwehangurire kyakiro ahari Bunyonyi.

87
0
SHARE

Radio West, TV West and Orumuri, bakureteire omugisha gw’okushemererwa omukwezi kwa Rukundo oku omukazaano akeetsirwe “Valentine In The Wild”, aku oine omugisha gw’okwehangurira kyakiro n’okwehamu aha Hoteeri emwe omuri Bunyonyi, erikuza kubaho omuwiikendi y’ebiro 24 na 25 by’okwezi oku omuri rimwe ahamahamba omumwanya ogwo.

Abarikuganyirwa omukazaano aka, n’abo abaahikize emyaka n’okugaruka ahaiguru. Bashemereire kuba bari omubushwere, barikutuura nari shi baine obwamushaija oburikworeka ku buzima bari abakundaine.

Orikukurira TV West ahabwa Mbarara Ronald Santana naagira ngu ahamurundi ogu bacwiremu kushemeza abareebi n’abahurikiza ba TV West na Radio West omukwezi kwa rukundo obwo barikubaha akagisha k’okushemeza abakundwa baabo obwo barikubooherereza obutumwa omukashonshorekye akarikwetwa NKUNZI YANGYE akaraabe kari aha Radio West, TV West n’Orumuri.

Orikukurira eby’obutare ahabwa Vision Group Mbarara nagira ngu TV West, Radio West na Orumuri bacwiremu ngu abakundaine abaraasingure nibaija kwetungira wayini kuruga omuba Red Star Wines kandi bagarukye bataahe n’omukazaano k’orugyendo rw’okuza Bunyonyi Safaris omuri Kabale kumarayo wiikendi y’ebiro 23 na 24 okwezi oku.

Kuhangura ebirabo ebi, abakundaine baine kuhurikiza Radio West, kandi bakataho TV West. Reeru omukashonshorekye ka NKUNZI YANGYE;

Radio West neija kuha abakundaine akagisha kushaba obweshongoro barikubuha abakundwa baabo hamwe n’obutumwa bwa rukundo kububashomera. Reeru abahurikiza nibaija kuteera akaruuru.

Omuri buri kashonshorekye ka NKUNZI YANGYE, nitwaija kuba nitutaho obutumwa bw’emirundi 3 ahari shaaha 3 z’akasheshe, 7 z’eihangwe, 11 z’omwebazyo na shaaha 5 z’ekiro aha Radio West.

Reeru abahurikiza nibaija kuteera akaruuru barikutugambira obutumwa bwa rukundo obwakirayo kubashemeza. Abahurikiza nibaija kwohereza oburuuru bwabo omumuringo gwa SMS ahari 8338, obwo barikuhandiika ekigambo NKUNZI reeru basigyeho akaanya, bahandiikye owasinga batyo boohereze SMS yaabo ahari 8338

TV West neija kworeka ka vidiyo k’omuntu arikweshongorera omukundwa we akeeshongoro ka rukundo arikumuwaana reeru na bwanyima amushabire akeeshongoro aku baraateerere omukundwa we omukashonshorekye ka NKUNZI YANGYE aha TVWest

Orumuri nabo nibaija kuba nibashohoza ebaruha ya Rukundo n’ebishushani by’abakundwa baabo buri wiiki ei Orumuri rurikushohora.

Silver Tumwesigye, owa Red Star Wines naagira ngu enshonga y’okukwatanisa n’aba Vision Group omuhururu egi n’ahabw’okuba baakiire abahagizi baingi omu bizinensi n’ahab’wkyo nibanda kubagaruriza omumuringo gw’okubasiima barikubaha Wayini kushemererwa omubiro bya rukundo ebi. Naashaba buri omwe kwejumbira omukazaano ka NKUNZI YANGYE kuhangura.

LEAVE A REPLY