Bp. Kisembo yaashaba Purezidenti obusingye omumpinduka y’obwebembezi

284
0
SHARE

Biishopu wa dayosiisi ya Rwenzori, Reuben Kisembo, eriizooba yaashaba Purezidenti Yoweri Museveni ku atebeekanisa empinduka y’obusingye omubutegyeki.

Biishopu Kisembo ebi yaabigambira ahamukoro gw’okwiguraho eiramizo erisya ery’eishomero rya Kyebambe Girls, erya Elizabeth Chapel, omuri Fort Portal eriizooba

“Ninshaba Purezidenti ku atebeekanisiza empinduka y’obutegyeki ey’obusingye n’obu eishengyero riraabe ryashagikire ekiragiro ekirikwihaho emihingo ahamyaka y’okutegyeka omungyenderwaho y’ihanga,” nikwo Kisembo yaagira.

Beitu omwebembezi w’ihanga kandi owaaba ari omugyenyi mukuru ahamukoro ogu, Yoweri Museveni, obwo arikugarukamu okushaba kwa Biishopu, yaatura abeebembezi b’amadiini okumushenda-shenda kuruga omubwebembezi.

Omukugamba kwe, omwebembezi w’ihanga yaagira ngu we naamanya eki arikukora. “Ninguma nimpurira abeebembezi b’amadiini barikutushenda-shenda na munonga nyowe,” nikwo yaagira.

Yayongyera yaagira ngu, “Nyowe ndi omuntu orikumanya eki ndikukora kandi tihariho orikubaasa kunyegyesa ahabiro by’omumaisho by’ihanga eri.”

Ahamukoro ogwahikwaho abaishiki baingi abaashomeireho Kyebambe Girls SS, Museveni yabyara eibaare kandi yatwa shiringi miriyooni 300. Eiramizo eri riherizeho obuhumbi burikuhika 3.

Gaashakwa Sunday Rodgers

LEAVE A REPLY