Omushaho yaajumiirira abarikuguza eshagama

141
0
SHARE

N’ebya Andrew Tushabe

Timothy Taremwa kuruga omukitongore ekirikurundaana n’okubiika eshagama ekya Uganda Blood Transfusion Services yaajumiirira abashaho abarikuguza eshagama . Naagira ngu eshagama n’eya busha kutaambira amagara g’abantu beitu ti y’okuguza.

Timothy ebi yabigamba ahakiro kya kashatu ky’ehururu y’okurundaana eshagama okwaba omu Bus Park omu Munisiparite ya Mbarara. Eriizooba abantu barikurenga omuri 100 nibo baaheereza eshagama omumuringo gwa nyekundiire kwenda kuhwera abarwaire hamwe n’amarwariro agarikwetaaga eshagama omubwingi.

Okurugiirira ahari Timothy, Uganda neyetaaga eshagama erikuhika unit 340,000 burimwaka beitu ekitongore ekirikurundaana eshagama ekya Uganda Blood Transfusion Services nikirundaana unit 200,000 burimwaka ekirikureetera Uganda yaatsigara erikwetaaga eshagama erikuhika unit 140,000.

N’obu haraabe hariho ekyetengo kihango ky’eshagama, abantu abaabaasa kuhika ahamwanya gw’okurundaaniramu eshagama basiima ebitongore ebitebekaniise ehururu egi nka Vision Group, Uganda Red Cross Society, Uganda Blood Transfusion Services na Bridge of Hope Foundation ahabw’okwijuka abari omumarwariro barikutaaga ahabw’ibura ry’eshagama.
Ehururu egi n’egumizamu kandi ebiro 31.01.2018 nibaija kuba bari omuri Rwebikoona Mbarara reeru bahenderere ahari Liverpool House aharwa Buremba Kakoba ebiro 01.02.2018.

LEAVE A REPLY