TV West yaayegaita ahahururu y’okurundaana eshagama erikwingana unit 2000

522
0
SHARE

Gideon Ssenyomo na Andrew Tushabe

Omurimo gw’okurundaana eshagama gwatandika shaaha emwe ez’akasheshe ahakashozi Booma oshungaine n’ekelezia ya Uganda Martyrs Parish omuri Mbarara kandi ekitongore ekya Vision Group ekirimu TV West, Radio West n’Orumuri bayegaita n’aba Red Cross na Bridge of Hope International barugayo kwejumbira omumurimo ogu.

Abantu barikurenga omuri 100 baahikaho omubwingi, oteiremu n’abarikuruga omumahanga agandi, baheereza eshagama ahabw’ebigyendererwa bitari bimwe na bimwe.

Bo abatebekanisa basiima byona ebyakorwa n’abantu abahikaho kandi aba nibagira ngu nyenkyakare bari omu Kijungu Nyamityobora kandi nibashaba obushagiki.

Eizooba eri ahi ryaza kuhenderera ekitongore ekirikurundaana eshagama kyarundana unit 102 ez’enshagama beitu omushaho kuruga omukitongore kya Uganda Blood Transfusion Services, Dr. Timothy Taremwa, yaagambira TV West ngu amarwariro nigetaaga eshagama obutahwaho. “Ahabw’okuba ei abantu barikutuha nehika nekora omurimo omumarwariro tutsigara nitwetaaga kuronda endiijo. Mbwenu omuntu weena orikwehurira n’amagara marungi, ari ahaiguru y’emyaka 16 kandi arikureemeera kiro 45 kweyongyerayo nabaasa kwija ahe eshagama atambire amagara g’abantu,” nikwo Timothy arikugira.

 

LEAVE A REPLY