Ekiro kya NRM

400
0
SHARE
Ekiro kya NRM n’ekiro ky’ebyafaayo na munonga omu bantu abaabaire bariho omubwire obwo.
 
Uganda ku yatungire okwetegyeka omu mwaka ogwa 1962, entaro z’eby’obwebembezi nibwo zitandika.
 
Ekiro eki okuza kubaho, Purezidenti w’eihanga rya Uganda Yoweri Museveni niwe yabaire nayebembera byona ebyabaire nibikorwa omumyaka ya 1970 na za 1980. Omubwire obwo Yoweri Kaguta Museveni akaba ari ceyamaani w’ekibiina ky’abeegi ekibaabaire nibeeta Leftist Student Group Allied with African Liberation Movements.
Akaba nashoma eishomo erya Political Science and Economics omu ihanga erya Tanzania kandi nikigambwa ngu ogu akaba ari omubuzaahe ahabw’okuba Purezidenti Idi Amin omubwire obwo akaba amuri kubi.
 
Ari Tanzania, Museveni akahangaho ekigombe ekindi ekyayetsirwe The Front for National Salvation (FRONASA) kandi eki kikaba kigyendereire okwiha Amin ahantebe omumwaka ogwa 1979.
 
Omumwaka ogwa 1980 oburuuru bukateerwa kwonka okurugiirira ahabyarugiremu, aba Museveni bakagira ngu bakaba babwibire. Milton Obote omubwire obwo nibwo aza ahantebe.
Museveni na Yusuf Lule obwire obwo bakacwamu kuhangaho ekibiina ekibaayetsire National Resistance Movement kandi eki nikyo kyatandikireho n’orutaro orw’okuza omukishaka kurwanisa Obote n’abantu be.
 
Genero Tito Okello Lutwa owaabaire nayebembera amahe obwire obwo akacwamu kutensa n’ekigombe ekya National Resistance Movement kandi endagaano y’obusingye egi bakagikorera Kenya n’obu ebyahandiikirwe nibigira ngu tibiragyenzire gye nk’oku baabaire nibateekateeka.
 
Orutaro rw’omukishaka oru rukatwara akaire kandi ahakiro kya 26.01.1986, ekibina ekya nrm kikahangura orugamba kandi niho Museveni yayerangiriire nk’omwebembezi w’ihanga okuhisya obwa mbwenu.
 
Ahabwa omwaka ogu ekiro eki nikiija kujagurizibwa omu disiturikiti ya Arua ahansi y’omutwe ogurikugira ngu, “Oku okucungura Uganda, kuri enyongyeserezo omuntunguuka ya hati na nyensya.”
 
Emidaari 200 neija kugabwa ahakiro ekyo ekiraabe ahari Booma Grounds omu Munisiparite ya Arua kandi omugyenyi mukuru naija kuba ari Purezidenti Yoweri Kaguta Museveni
 
 
Minisita w’enshonga za Presidenti, Esther Mbulakubuza Mbayo, arikugambira abanyamahurire agizire ngu ahamukoro ogu abanya Uganda boona otagyendeire omunganda n’amadiini nangwa n’embaju z’eby’obutegyeki ezi barimu, nibaija kwekungaanya bateere tooki aha myaka 32 ya Uganda nk’ihanga.
 
“Okujaguza oku nakwo n’omugisha gwa buri omwe omuri itwe kureeba akitutwereire ahakucungura ihanga, eby’empiiha, okuhangaho eby’obugaiga bwa boona hamwe n’okutaho obusingye bw’ihanga ryaitu na bataahi baitu omubicweka ebindi omunsi yoona,” Minisita Mbayo nikwo agizire.
Birundainwe Gideon Ssenyomo na Andrew Tushabe

LEAVE A REPLY