‘TIHARIHO ORATUZIBIRE KUGIHINDURA’ KAHINDA OTAFIIRE AGAMBIRE AHA KUHINDURA ENGYENDERWAHO Y’EIHANGA.

479
0
SHARE

Hoona abahagizi be, bamwakire omukuzaguza kuhika aha kishayi kya Kyeizooba au enkuyanja emwakirire, obwe bari kwetebekanisiza okugarukamu akaruru.

Maj. Gen. Kahinda Otafiire kandi ori minisita w’ebiragiro hamwe n’enshonga z’engyenderwaho y’eihanga, niwe abaire omungyenyi mukuru, kandi nka burijo agambire ky’okuhindura engyenderwaho y’eihanga namunonga akacweka 102 B, akari kugamba aha myaka 75 eyi purezidenti wa Uganda ashemire kugarukiraho kwesimbaho.

Hoona Kahinda ahamize ngu tihariho muntu wenna, ori kubasa kubazibira kuhindura engyenderwaho y’eihanga nka oku bari kwenda aha bw’okuba obunaku obu bakitiremu, kikaba nikyetengwa beitu hati beine kukihindura aha bw’okuba tibari kubasa kugyenda ngu bakuzire omumyaka.

Kahinda, arabwire n’abanyadiini abarugireyo okugamba aha nshonga egi,  obwe agumize ngu begyendesereze.Hoona bamwe omubataka, kandi abahagizi ba Micheal Mawanda, enshonga egi bagigambireho, batari kugyihagira bwanyuma ya Kahinda kugira ngu naza kubakikirirza omwishengyero ngu bikirize oku bari kwenda engyenderwaho y’eihanga ehindurwe.

We Mawanda ahamize ngu Kahinda ebyagambire, n’emitekateko bye kandi we abanyigara east, kubaramutemu obwesigye, tari kuza kutana n’ekibaramugambire kutwara omwishengyero kandi yashaba abanyigara east, okukwatanisa aha bw’entunguka.

Bwanyuma ya mukuru w’eishengyero, kwikiriza abanyishengyero boona omubutongore okuza kubugana abantu ababatorine aha nshonga egi, hoona bingi namunonga omuri Ankore, tibakababugine kubabuza.

GAASHAKWA DAMBA WIZIRI.

 

LEAVE A REPLY