ABAANA ABAANAGIRWEHO ABAZAIRE BAABO AHABW’ENJARA BARIYO NIBABONABONA.

500
0
SHARE

Ronald Kamusiime owemyaka 9 nomwe ahabasigirweho abaziire be obu enjara ebarukaho kandi nagira ngu  tahereera kurya ahabw’okugira ngu tayine hokubyiiha. Nagira ngu kuruga abaziirebe bagyenda  akareka kuza aheishomero kwonka nahurira nayenda kweega.

Hariho abandi  baana nyamwiingi abari omumbeera nkeya Kamusiime, kandi bamwe abarikureberera abaana aba abutugambireho nabo batugizire ngu ebiintu bibakirize amaani ahabw’okuba tibeine kyoriisa abaana aba, kandi obarikukira obwiingi nabakazi abu abasheija baabo batorokireho.

Abaana abarikweshumba omuri 200 nibo barikugambwa kuba banagirweho abaziire baabo bwanyima yenjara kubarukaho omukicweka eki kandi obwahati bari ahambabazi za Mukama.

Aha niho ekanisa eya GODS Embassy Katobo eyebembiirwe Pastor Onesmas Ngoboka etahiiremu kwirukangirira abantu aba nebyokurya ebirimu ebihiimba nobuhunga, kandi abaana abateine kikwaata ahamukono babaheire ebijwaaro.

Obwahati omubaro gwabateirwe enjara otwariiremu nabaana bato
gwemeriire ahari 16900, kandi emiruka erimu Kikongi na Kikarara niyo
erikubi.

 GAASHAKWA STUART TWINOMUJUNI

 

LEAVE A REPLY